---
title: "നന്മണ്ട പഞ്ചായത്ത്തല വികസനോത്സവം സംഘടിപ്പിച്ചു "
english_title: "Nanmanda Panchayat development festival organized"
publisher: "balusserynews.in"
canonical_url: "https://balussery.truevisionnews.com/news/118085/nanmanda-panchayat-development-festival-organized"
published_at: "2023-05-30T11:12:00+05:30"
category: "News"
language: "ml"
image: "https://balussery.truevisionnews.com/image-uploads/64758d10b0ac4_000vikasanoolsavam.JPG"
keywords: []
---

# നന്മണ്ട പഞ്ചായത്ത്തല വികസനോത്സവം സംഘടിപ്പിച്ചു 

> **Lead Summary:** **നന്മണ്ട: **കുട്ടികളുടെ മാനസികവും ശാരീരികവും വൈജ്ഞാനികവുമായ ഉന്നമനം ലക്ഷ്യമാക്കി സ്‌കൂള്‍ അവധിക്കാലം മാറ്റിയെടുക്കുന്നതിനായി പട്ടികവര്‍ഗ്ഗ വികസന വകുപ്പ് ആസൂത്രണം ചെയ്ത് നടപ്പിലാക്കുന്ന കുട്ടികളുടെ കലാകായിക സാംസ്‌കാരിക പരിപാടിയായ 'വികസനോത്സവം 2023'ന് നന്മണ്ടയില്‍ തുടക്കമായി. നന്മണ്ട പഞ്ചായത്തിലെ കരുണാറാം എയുപി സ്‌കൂളില്‍ സംഘടിപ്പിച്ച പരിപാടി ചേളന്നൂര്‍ ബ്ലോക്ക്പഞ്ചായത്ത് പ്രസിഡന്റ് കെ.പി.സുനില്‍കുമാര്‍ ഉദ്ഘാടനം ചെയ്തു.

## Article Content

**നന്മണ്ട: **കുട്ടികളുടെ മാനസികവും ശാരീരികവും വൈജ്ഞാനികവുമായ ഉന്നമനം ലക്ഷ്യമാക്കി സ്‌കൂള്‍ അവധിക്കാലം മാറ്റിയെടുക്കുന്നതിനായി പട്ടികവര്‍ഗ്ഗ വികസന വകുപ്പ് ആസൂത്രണം ചെയ്ത് നടപ്പിലാക്കുന്ന കുട്ടികളുടെ കലാകായിക സാംസ്‌കാരിക പരിപാടിയായ 'വികസനോത്സവം 2023'ന് നന്മണ്ടയില്‍ തുടക്കമായി. നന്മണ്ട പഞ്ചായത്തിലെ കരുണാറാം എയുപി സ്‌കൂളില്‍ സംഘടിപ്പിച്ച പരിപാടി ചേളന്നൂര്‍ ബ്ലോക്ക്പഞ്ചായത്ത് പ്രസിഡന്റ് കെ.പി.സുനില്‍കുമാര്‍ ഉദ്ഘാടനം ചെയ്തു.

കോടഞ്ചേരി ട്രൈബല്‍ എക്സ്റ്റന്‍ഷന്‍ ഓഫീസിന്റെയും നന്മണ്ട 'ഗ്രാമ പഞ്ചായത്തിന്റെയും സംയുക്താഭിമുഖ്യത്തിലാണ് പരിപാടി സംഘടിപ്പിച്ചത്. നന്മണ്ട ഗ്രാമ പഞ്ചായത്ത് പ്രസിഡന്റ് കൃഷ്ണവേണി മാണിക്കോത്ത് ചടങ്ങില്‍ അധ്യക്ഷത വഹിച്ചു.

ക്ഷേമകാര്യ സ്റ്റാന്റിംഗ് കമ്മിറ്റി ചെയര്‍മാന്‍ കുണ്ടൂര്‍ ബിജു, വികസന സ്റ്റാന്റിംഗ് കമ്മിറ്റി ചെയര്‍പേഴ്‌സണ്‍ പ്രതിഭ രവീന്ദ്രന്‍, ആരോഗ്യ വിദ്യാഭ്യാസ സ്റ്റാറ്റിംഗ് കമ്മിറ്റി ചെയര്‍പേഴ്‌സണ്‍ വിജിത കണ്ടിക്കുന്നുമ്മല്‍ വാര്‍ഡ് മെമ്പര്‍മാരായ മോഹന്‍ ദാസ്, നിത്യകല, പട്ടികവര്‍ഗ്ഗ ഉപദേശക സമിതി അംഗം പൂളയില്‍ പ്രേമ, കരുണാറാം എയുപി സ്‌കൂള്‍ പ്രധാന അധ്യാപകന്‍ സന്തോഷ്, ഊരുമൂപ്പന്‍മാര്‍ ,എസ്ടി പ്രൊമോട്ടര്‍ നവ്യ, ട്രൈബല്‍ എക്സ്റ്റന്‍ഷന്‍ ഓഫീസര്‍ സലീഷ് എന്നിവര്‍ സംസാരിച്ചു.

തുടര്‍ന്ന് കുട്ടികളുടെയും മുതിര്‍ന്നവരുടെയും വിവിധ കലാപരിപാടികളും വികസനോത്സവത്തിന്റെ ഭാഗമായി ചിത്രരചന, ക്വിസ് മത്സര പരിപാടികളും ചിത്രപ്രദര്‍ശനവും സംഘടിപ്പിച്ചു. നന്മണ്ട പഞ്ചായത്തിലെ എല്ലാ പട്ടികവര്‍ഗ്ഗ കോളനിയിലെയും കുട്ടികളും കോളനി നിവാസികളും പങ്കെടുത്ത പരിപാടി അക്ഷരാര്‍ത്ഥത്തില്‍ നാടിന്റെ ഉത്സവമായി മാറി. പരിപാടിയില്‍ പങ്കെടുത്ത മുഴുവന്‍ കുട്ടികള്‍ക്കും പ്രോത്സാഹന സമ്മാനങ്ങള്‍ വിതരണം ചെയ്തു

### Related Links & Sources
- [Original Story Source](https://balussery.truevisionnews.com/news/118085/nanmanda-panchayat-development-festival-organized)