കോട്ടൂര്: സീനിയര് സിറ്റിസണ്സ് ഫോറം കോട്ടൂര് പഞ്ചായത്ത് സമിതിയുടെ ആഭിമുഖ്യത്തില് എംസിവി ഭട്ടതിരിപ്പാട് ജന്മശതാബ്ദിയുടെയും സംഘടനയുടെ രജതജൂബിലി ആഘോഷത്തിന്റെയും ഭാഗമായിനടത്തിയ സെമിനാര് ഇന്ത്യന് റെയില്വേ നിര്ത്തലാക്കിയ വയോജനങ്ങള്ക്കുള്ള ഇളവുകള് പുനഃസ്ഥാപിക്കണമെന്ന് ആവശ്യപ്പെടുന്ന പ്രമേയം പാസാക്കി.
സെമിനാര് ഗ്രാമപഞ്ചായത്ത് പ്രസിഡന്റ് സി.എച്ച്. സുരേഷ് ഉദ്ഘാടനം ചെയ്തു എം.സി.വി. ഭട്ടതിരിപ്പാട് അനുസ്മരണം സംസ്ഥാന സെക്രട്ടറി പൂതേരി ദാമോദരനും രജതജൂബിലി ആഘോഷം ജില്ലാ വൈസ് പ്രസിഡന്റ് ഇ.കെ. അബൂബക്കര് നിര്വ്വഹിച്ചു. കെ.സി. ആലിക്കോയ അധ്യക്ഷനായി.
കോട്ടൂര് കുടുംബാരോഗ്യ കേന്ദ്രം മെഡിക്കല് ഓഫീസര് ഡോക്ടര് സജ്ന ആരോഗ്യസുരക്ഷാ ക്ലാസെടുത്തു ചടങ്ങില് ജില്ലാ എക്സിക്യൂട്ടീവ് അംഗം എ.കെ. കുഞ്ഞിച്ചെക്കിണി സ്വാഗതം പറഞ്ഞു. അനുശോചന പ്രമേയം നാരായണനും മറ്റ് പ്രമേയങ്ങള് വി.ശിവദാസനും അവതരിപ്പിച്ചു. ടി.കെ. ബാലന് മൂലാട് നന്ദി പറഞ്ഞു.
Concessions for the elderly should be reinstated