കോക്കല്ലൂര്: സ്ഥല പരിമിതി കൊണ്ട് വീര്പ്പു മുട്ടുന്ന കോക്കല്ലൂര് ഗവ. ഹയര് സെക്കണ്ടറി സ്കൂളിന് കെട്ടിട നിര്മ്മാണത്തിനായി സര്ക്കാര് 65 ലക്ഷം രൂപ അനുവദിച്ചു. പൊതു വിദ്യാഭ്യാസ വകുപ്പാണ് തുക അനുവദിച്ചത്.
ഈ പണം ഉപയോഗിച്ച് ആറ് ക്ലാസ് മുറി കെട്ടിടമാണ് നിര്മ്മിക്കുക. നിലവില് 2600 ല് അധികം കുട്ടികള് പഠിക്കുന്ന ഇവിടെ ആവശ്യത്തിന് ക്ലാസ് മുറികള് ഇല്ല. ആകെ 62 ക്ലാസ് മുറികള് മാത്രമാണുള്ളത്.
കുട്ടികളുടെ എണ്ണം പരിഗണിച്ചാല് പതിമൂന്ന് ക്ലാസ് മുറികള് ഇനിയും വേണം. നേരത്തേ കിഫ്ബി അനുവദിച്ച മൂന്ന് കോടി രൂപ ഉപയോഗിച്ച് 12 ഡിജിറ്റല് ക്ലാസ് മുറികളും നാല് ലാബ് മുറികളുമടങ്ങിയ പുതിയ കെട്ടിടം നിര്മിച്ചിരുന്നു. സ്കൂള് പാചകപ്പുര പണിയാന് 48ലക്ഷം രൂപയും കുടിവെള്ള പദ്ധതിക്കായി 10ലക്ഷം രൂപയും ജില്ലാ പഞ്ചായത്ത് അനുവദിച്ചിരുന്നു.
Kokallur Gov. The government has sanctioned Rs 65 lakh for the construction of higher secondary school