തോട്ടത്തിന്‍കടവ്: ഡിവൈഎഫ്‌ഐ സംസ്ഥാന കമ്മിറ്റി ആഹ്വാന പ്രകാരം വര്‍ഗീയതക്കെതിരെ ഡിവൈഎഫ്‌ഐ നീലേശ്വരം മേഖല കമ്മിറ്റിയുടെ നേതൃത്വത്തില്‍ തോട്ടത്തിന്‍കടവില്‍ മേഖലതല സെക്കുലര്‍ യൂത്ത് ഫെസ്റ്റ് സംഘടിപ്പിച്ചു. പരിപാടി ഡിവൈഎഫ്‌ഐ ജില്ലാ കമ്മറ്റി അംഗം അഡ്വ. പി. രാഹുല്‍രാജ് ഉദ്ഘാടനം ചെയ്തു.
ബ്ലോക്ക് സെക്രട്ടറി ദിപു പ്രേംനാഥ്, കെ.ടി. ബിനു, സി.എ. പ്രദീപ്കുമാര്‍, .എം.കെ. പ്രജീഷ്, ജാഫര്‍ഷെരീഫ്, .പി.പി. അഖില്‍, സുജിന്‍ദാസ്, നൗഫല്‍ മല്ലശ്ശേരി, ഷാജു, പി. വിജിന്‍ തുടങ്ങിയവര്‍ സംസാരിച്ചു. പ്രദീഷ് കലാഭവന്‍, നാദം കാലിക്കറ്റ് മ്യൂസിക് ബാന്‍ഡിന്റെ നേതൃത്വത്തില്‍ ഗാനവിരുന്നും ഹരീഷ് പൊയിലിന്റ് നേതൃത്വത്തില്‍ ഫിഗര്‍ഷോയും അരങ്ങേറി.
ചടങ്ങില്‍ ഡിവൈഎഫ്‌ഐ നീലേശ്വരം മേഖല കമ്മറ്റി അംഗവും ചെറുകഥാകൃത്തുമായ .സി.എസ്. വിഷ്ണുവിനെ ആദരിച്ചു. കോടഞ്ചേരിയില്‍ നിന്നും കാണാതായ വയോധികയെ കണ്ടെത്തിയ ഡിവൈഎഫ്‌ഐ പ്രവര്‍ത്തകരായ നൗഫല്‍ മല്ലശ്ശേരി, കെ. അജേഷ് തുടങ്ങിയവരെ ആദരിച്ചു. ബെസ്റ്റ് കോസ്റ്റ്യൂം ഡിസൈനര്‍ ട്രാവന്‍കൂര്‍ ഇന്റര്‍നാഷണല്‍ ഫിലിം അവാര്‍ഡ് ബിബിന്‍ സുഖ്‌ദേവിനെ ആദരിച്ചു.
Secular Youth Fest organized at Neeleshwaram Regional Level Inauguration
.jpg)
