അവിടനല്ലൂര്‍: ദേശീയ ബാലശാസ്ത്ര കോണ്‍ഗ്രസിന്റെ സംസ്ഥാന തല മത്സരത്തിലേക്ക് അവിടനല്ലൂര്‍ എന്‍എന്‍ കക്കാട് സ്മാരക ഗവണ്‍മെന്റ് ഹയര്‍ സെക്കന്‍ഡറി സ്‌കൂളിലെ ഹയര്‍സെക്കന്‍ഡറി വിഭാഗത്തിലെ രണ്ട് ടീമുകള്‍ യോഗ്യത നേടി. രണ്ടു പ്രൊജക്ടുകളും ഡിസംബര്‍ നാലാം തീയതി നടക്കുന്ന സംസ്ഥാനതല മത്സരത്തില്‍ അവതരിപ്പിക്കും.
പി.എം. ഹരിനന്ദന, എസ്.ജെ. ദേവനന്ദ എന്നീ പ്ലസ് വണ്‍ സയന്‍സ് വിദ്യാര്‍ത്ഥിനികളും ഫെബിന്‍ മിര്‍ഷാദ്, എസ്.വി. ജിതാനന്ദ് എന്നീ പ്ലസ് ടു സയന്‍സ് വിദ്യാര്‍ത്ഥികളുമാണ് യോഗ്യത നേടിയത്. ഇത്തിള്‍ കണ്ണിയുടെ വളര്‍ച്ച മൂലം അവിടനല്ലൂര്‍ പ്രദേശത്തെ മാവുകളുടെ ഉല്പാദനശേഷിയില്‍ ഉണ്ടായ കുറവിനെ പറ്റിയുള്ള സമഗ്രപഠനം ആണ് പി.എം. ഹരിനന്ദന, എസ്.ജെ. ദേവനന്ദ എന്നിവരടങ്ങിയ ടീം പഠനം നടത്തിയത്.
പൂനത്ത് പ്രദേശത്തെ കനാല്‍ സംവിധാനത്തിലുള്ള തകരാറുകളും അതിന്റെ പരിഹാരമാര്‍ഗ്ഗങ്ങളും ആണ് ഫെബിന്‍ മിര്‍ഷാദ,് ജിതാനന്ദ് എന്നിവരടങ്ങിയ ടീം പഠനം നടത്തിയത്. ഹയര്‍സെക്കന്‍ഡറി വിഭാഗം കെമിസ്ട്രി അധ്യാപികയായ ടി.സി. ഷീനയാണ് രണ്ട് പ്രൊജക്റ്റിന്റെയും ഗൈഡ്.
National Child Science Congress qualified for the state level competition
.jpg)
