കോഴിക്കോട്: വിനോദസഞ്ചാര വകുപ്പും ജില്ലാ ഭരണകൂടവും ഡിടിപിസിയും സംയുക്തമായി സംഘടിപ്പിക്കുന്ന ഓണാഘോഷ പരിപാടികളുടെ ഭാഗമായുള്ള റസിഡന്ഷ്യല് കലോത്സവത്തിലേക്ക് 18 വയസിനു മുകളില് പ്രായമുള്ളവരില് നിന്ന് അപേക്ഷ ക്ഷണിച്ചു.
മോഹിനിയാട്ടം, ഒപ്പന, തിരുവാതിരകളി, മാര്ഗംകളി, സിനിമാഗാനം (കരോക്കേ), നാടന്പാട്ട്, മാപ്പിളപ്പാട്ട്, മിമിക്രി / മോണോആക്ട്, സിനിമാറ്റിക് ഡാന്സ് (ഗ്രൂപ്പ്), സംഘഗാനം എന്നീ ഇനങ്ങളില് അപേക്ഷ സമര്പ്പിക്കാം.
ആഗസ്റ്റ് 18 ന് വൈകുന്നേരം അഞ്ച് മണി വരെയാണ് അപേക്ഷകള് സമര്പ്പിക്കേണ്ടത്. പരിപാടിയുടെ അന്തസത്ത വ്യക്തമാക്കുന്ന ഓഡിയോ/ വീഡിയോ/ സ്ക്രിപ്റ്റ് എന്നിവ അപേക്ഷയോടൊപ്പം സമര്പ്പിക്കണം.
അപേക്ഷകള് [email protected] എന്ന ഇ മെയില് ഐഡിയിലേക്കോ, ഡിടിപിസി ഓഫീസില് നേരിട്ടോ നല്കാവുന്നതാണ്. കൂടുതല് വിവരങ്ങള് www.dtpckozhikode.com എന്ന വെബ്സൈറ്റില് ലഭ്യമാണ്. ഫോണ് : 8921845957, 04952720012.
true vision koyilandy Onam celebration; Applications are invited for the Residential Art Festival