നടുവണ്ണൂര്‍: നടുവണ്ണൂര്‍ നരസിംഹക്ഷേത്രത്തിലെ ആറാട്ടുത്സവത്തിന് തന്ത്രി തരണനല്ലൂര്‍ തെക്കിനിയേടത്ത് പത്മനാഭനുണ്ണി നമ്പൂതിരിയുടെ കാര്‍മികത്വത്തില്‍ കൊടിയേറി. ശ്രീഭൂതബലി, അകത്തെഴുന്നള്ളിപ്പ് എന്നിവ നടന്നു.
20-ന് വൈകീട്ട് ഏഴിന് പള്ളിവേട്ട, രാത്രി എട്ടിന് താലപ്പൊലി വാദ്യഘോഷങ്ങളോടെ പള്ളിവേട്ട തിരിച്ചെഴുന്നള്ളത്ത് എന്നിവ നടത്തും. മുള്ളമ്പത്ത് അയ്യപ്പഭജനമഠം മുതല്‍ നരസിംഹക്ഷേത്രം വരെയാണ് തിരിച്ചെഴുന്നള്ളത്ത്.
21 നാണ് മുഖ്യ ചടങ്ങായ ആറാട്ടുത്സവം നടക്കുന്നത്. ക്ഷേത്രക്കുളത്തില്‍ ദേവനെ ആറാടിച്ചതിനുശേഷം തിരിച്ചെഴുന്നള്ളിപ്പ് ഉണ്ടാകും. ക്ഷേത്രമതില്‍ക്കകത്ത് അഞ്ച് പ്രദക്ഷിണത്തോടെ ആഘോഷപരിപാടികള്‍ സമാപിക്കും.
The flag was hoisted for the six-day festival at the Naduvannur Narasimha Temple
.jpg)
.jpg)
