കൂടരഞ്ഞി: ഇന്നലെ (തിങ്കള്‍) ഉച്ചക്കുശേഷം ലക്കിടി ചെക്ക്‌പോസ്റ്റിനു സമീപം ബൈക്കുകള്‍ കൂട്ടിയിടിച്ചുണ്ടായ അപകടത്തില്‍ മരിച്ച കൂടരഞ്ഞി കൂമ്പാറ സ്വദേശി ആര്യാടന്‍ ഫിറോസിന്റെ (41) ഖബറടക്കം. വൈകുന്നേരം 4 മണിക്ക് കുമ്പാറ ജുമാ മസ്ജിദില്‍ മയ്യത്ത് നിസ്‌കാരത്തിനു ശേഷം മരഞ്ചാട്ടി ജുമാ മസ്ജിദ് ഖബര്‍സ്ഥാനില്‍ ഖബറടക്കം നടന്നു.
മംഗലാപുരത്തുനിന്നും കൂമ്പാറയിലേക്ക് വരുന്ന വഴിയായിരുന്നു അപകടം സംഭവിച്ചത്. അപകടത്തില്‍ മറ്റു രണ്ടു പേര്‍ക്ക് പരിക്കേറ്റു.
പരേതനായ ആര്യാടന്‍ ഹുസൈന്‍- ആമിന ദമ്പതികളുടെ മകനാണ് മരണപ്പെട്ട ഫിറോസ്. ഭാര്യ: ജംഷീറ എടവണ്ണ. മക്കള്‍:ഫര്‍സീന ജഹാന്‍, ഫാരിക്ക്, ഫന്‍യ ഫാത്വിമ, ഫൈഹ. സഹോദരങ്ങള്‍ : ഫൈസല്‍,ജസീല.
The grave of Aryadan Firoz, a resident of Koodaranji Koombara, who died in a bike collision accident, was held
