എൽ.എസ്.എസ്, യു.എസ്.എസ് ജേതാക്കളേയും എസ്.എസ്.എൽ.സി, പ്ലസ്ടു പരീക്ഷകളിലെ വിജയികളെയും അനുമോദിച്ചു

കൂട്ടാലിട : കോട്ടൂർ ഗ്രാമ പഞ്ചായത്ത് നരയംകുളം രണ്ടാം വാർഡിലെ എൽ.എസ്.എസ്, യു.എസ്.എസ് ജേതാക്കളേയും എസ്.എസ്.എൽ.സി, പ്ലസ്ടു പരീക്ഷകളിൽ വിജയിച്ച മുഴുവൻ വിദ്യാർത്ഥികളേയും നരയംകുളം ജീവനം എജ്യുക്കേഷണൽ & ചാരിറ്റബിൾ സൊസൈറ്റി അനുമോദിച്ചു.

Also read: കളരിക്കണ്ടി ശാരദാമ്മ അന്തരിച്ചു

മജീഷ്യനും അധ്യാപകനുമായ ശ്രീജിത്ത് വിയ്യൂർ ജീവനം പ്രതിഭ സംഗമം ഉദ്ഘാടനം ചെയ്തു. വാർഡ് മെംബർ ടി. പി. ഉഷ അധ്യക്ഷത വഹിച്ചു.

Also read: മലബാറിലെ പ്രമുഖ ക്ഷേത്രമായ കൊല്ലം പിഷാരികാവ് ക്ഷേത്രത്തിൽ നവരാത്രി ആഘോഷങ്ങൾ ആരംഭിച്ചു

ചടങ്ങിൽ മുൻ അധ്യാപക അവാർഡ് ജേതാവ് കെ. കുഞ്ഞനന്ദൻ, കവി മധുസൂദനൻ ചെറുക്കാട്, നരയംകുളം ഗ്രാമീണ വായനശാല സെക്രട്ടറി എ. കെ. കണാരൻ, റിട്ട: ബി.ഡി.ഒ എ. കെ. കുഞ്ഞിച്ചെക്കിണി എന്നിവർ വിജയികൾക്ക് മെമൻ്റോ നൽകി.

വിദ്യാർത്ഥികളെ പ്രതിനിധീകരിച്ച് തൃഷ. എസ്. കുമാർ മറുപടി പ്രസംഗം നടത്തി.ട്രസ്റ്റ് ചെയർമാൻ ടി. പി. ബാലറാം സ്വാഗതവും സെക്രട്ടറി സി. എച്ച്. ഗോപാലൻ കുട്ടി നന്ദിയും പറഞ്ഞു. 

Also read: മാലിന്യമുക്തം നവകേരളം ജനകീയ ക്യാമ്പയിൻ ഉത്ഘാടനം ചെയ്തു

Congratulations to LSS and USS winners and SSLC and Plus Two exam winners