---
title: "ബാലുശേരി കരിയാത്തൻ കാവ് തോട്ടില്‍ 55 കാരൻ മുങ്ങിമരിച്ചു"
english_title: "55-year-old drowned in Balusheri Kariyathan Kav Thot"
publisher: "balusserynews.in"
canonical_url: "https://balussery.truevisionnews.com/news/219707/55-year-old-drowned-in-balusheri-kariyathan-kav-thot"
published_at: "2024-07-13T17:30:00+05:30"
category: "News"
language: "ml"
image: "https://cf.zdn.im/img/truevisionnews.com/0/image-uploads/66926c768d24d_0000_ATTACH__.jpg"
keywords: []
---

# ബാലുശേരി കരിയാത്തൻ കാവ് തോട്ടില്‍ 55 കാരൻ മുങ്ങിമരിച്ചു

> **Lead Summary:** **ബാലുശേരി : **ബാലുശേരി കരിയാത്തൻ കാവ് തോട്ടില്‍ 55 കാരൻ മുങ്ങിമരിച്ചു. 55 വയസോളം പ്രായമുള്ള മുഹമ്മദാണ്‌ മരിച്ചത്.

## Article Content

**ബാലുശേരി : **ബാലുശേരി കരിയാത്തൻ കാവ് തോട്ടില്‍ 55 കാരൻ മുങ്ങിമരിച്ചു. 55 വയസോളം പ്രായമുള്ള മുഹമ്മദാണ്‌ മരിച്ചത്.

കിനാലൂരില്‍ വാടകക്ക് താമസിക്കുകയായിരുന്നു. സ്‌കൂട്ടറില്‍ സഞ്ചരിക്കുമ്ബോള്‍ ഇന്നലെ നിറഞ്ഞൊഴുകുന്ന തോട്ടിലേക്ക് മറിഞ്ഞാണ് ഇദ്ദേഹം മരിച്ചതെന്നാണ് കരുതുന്നത്.

മഴ നനയാതിരിക്കാൻ കോട്ടും തലയില്‍ ഹെല്‍മറ്റും ധരിച്ച നിലയിലാണ് മൃതദേഹം കണ്ടെത്തിയത്. ആദ്യം എന്താണ് സംഭവിച്ചതെന്നോ മരിച്ചതാരാണെന്നോ ആളുകള്‍ക്ക് മനസിലായിരുന്നില്ല.

വിശദമായ പരിശോധനയില്‍ തോട്ടില്‍ തന്നെ മറ്റൊരു ഭാഗത്ത് സ്കൂട്ടറും കണ്ടെത്തി. ഇതോടെയാണ് അപകട മരണമായിരിക്കാം എന്ന സംശയം ഉയര്‍ന്നത്.

വിശദമായ അന്വേഷണത്തില്‍ കിനാലൂരില്‍ വാടകയ്ക്ക് താമസിക്കുന്ന മുഹമ്മദാണ് മരിച്ചതെന്ന് സ്ഥിരീകരിച്ചു. പിന്നാലെ മൃതദേഹം ആശുപത്രിയിലേക്ക് മാറ്റി.

പോസ്റ്റ്മോര്‍ട്ടം അടക്കം നിയമപരമായ നടപടിക്രമങ്ങള്‍ പൂര്‍ത്തിയാക്കിയ ശേഷം ബന്ധുക്കള്‍ക്ക് മൃതദേഹം വിട്ടുകൊടുക്കും

### Related Links & Sources
- [Original Story Source](https://balussery.truevisionnews.com/news/219707/55-year-old-drowned-in-balusheri-kariyathan-kav-thot)