കൂട്ടാലിട: കോട്ടൂര്‍ ഗ്രാമപഞ്ചായത്ത് കുടുംബാരോഗ്യ കേന്ദ്രത്തില്‍ അകാരണമായി ഒ.പി. നിര്‍ത്തിയതായി ആരോപിച്ച് ഡി.വൈ.എഫ്.ഐ അവിടനല്ലൂര്‍ മേഖലാ കമ്മിറ്റിയുടെ നേതൃത്ത്വത്തില്‍ ആശുപത്രി ഉപരോധിച്ചു. ഉപരോധ സമരം സംസ്ഥാന കമ്മിറ്റി അംഗം ടി.കെ. സുമേഷ് ഉദ്ഘാടനം ചെയ്തു.
രോഗികള്‍ രാവിലെ തന്നെ ആശുപത്രിയില്‍ എത്തിയിരുന്നെങ്കിലും ഡോക്ടര്‍ ഇല്ലാത്തതു കാരണം തിരിച്ചു പോയി. പഞ്ചായത്ത് ഭരണ സമിതിയുടെയും ആശുപത്രി മാനേജ്‌മെന്റ് കമ്മിറ്റിയുടെ അനുമതിയില്ലാതെ ഒ.പി നിര്‍ത്തി വെച്ച മെഡിക്കല്‍ ഓഫീസര്‍ക്കെതിരെ ശക്തമായ നടപടി സ്വീകരിക്കും എന്ന ജില്ലാ മെഡിക്കല്‍ ഓഫീസറുടെ ഉറപ്പിന്‍മേല്‍ ഉപരോധ സമരം അവസാനിപ്പിച്ചു.
സമരക്കാരുമായി പഞ്ചായത്ത് പ്രസിഡന്റ് സി.എച്ച്. സുരേഷ്, ചെയര്‍മാന്‍ ആര്‍.കെ. ഫിബിന്‍, കെ. ഷൈന്‍, ബാലുശ്ശേരി എസ്.ഐ. അഷറഫ് വീഡിയോ കോണ്‍ഫറന്‍സ് വഴി ജില്ലാ മെഡിക്കല്‍ ഓഫീസറും സമരക്കാരുമായി ചര്‍ച്ച നടത്തി. ടി. സരുണ്‍, എ.വി. വിഷ്ണു, ബി.എസ്. അജുല്‍ തുടങ്ങിയവര്‍ സംസാരിച്ചു.
OP stopped at Kottur FNT; DYFI besieged
.jpg)
