ഉള്ളിയേരി: നിരവധി ക്ഷേമ പ്രവര്‍ത്തനങ്ങള്‍ നടത്തി നാടിന്റെ ശ്രദ്ധ പിടിച്ചുപറ്റിയ മുണ്ടോത്തിന്റെ ചങ്ങാതിമാര്‍ വാട്‌സാപ്പ് കൂട്ടായ്മ നബ്ഹാന്‍ ചികിത്സാ നിധിയിലേക്ക് ഒരു ലക്ഷത്തിപത്തായിരം രൂപ (1,10,000/) സമാഹരിച്ച് നല്‍കി. തൊട്ടു മുമ്പു നടന്ന സമാനമായ ചികിത്സാ ഫണ്ട് സമാഹരണത്തിലും ഒരു ലക്ഷത്തിലേറെ രൂപ ഈ കൂട്ടായ്മ കൈമാറിയിരുന്നു.
അശരണരായവരെയും അരക്ഷിതരെ സഹായിക്കുന്നതിന് വിശാലമായ മാനവിക ബോധത്തോടെ പ്രവര്‍ത്തിക്കുന്ന മുണ്ടോത്തിന്റെ ചങ്ങാതിമാര്‍ വാട്‌സ്ആപ്പ് കൂട്ടായ്മയ്ക്ക് നബ്ഹാന്‍ ചികിത്സാസഹായ കമ്മിറ്റിയുടെ ഹൃദയം തൊട്ടുള്ള നന്ദി അറിയിച്ചു.
സമാഹരിച്ച ഫണ്ട് ടി.എം. മോഹന്‍ദാസ്, ശാന്തന്‍ മുണ്ടോത്ത്, ശൈലേഷ് രാജ് എന്നിവര്‍ ചേര്‍ന്ന് നബ്ഹാന്‍ ചികിത്സാ സഹായ കമ്മിറ്റിയുടെ രക്ഷാധികാരിയായ ബ്ലോക്ക് പഞ്ചായത്ത് സ്റ്റാന്‍ഡിങ് കമ്മിറ്റി ചെയര്‍മാന്‍ സുരേഷ് ബാബു ആലങ്കോട്, ഗ്രാമ പഞ്ചായത്ത് അംഗം വി.എം. സുധീഷ് പ്രധാന ഭാരവാഹികളായ ബീരാന്‍കുട്ടി തച്ചമ്പത്ത്, മുസ്തഫ കിനാവത്തില്‍ എന്നിവരുടെ സാന്നിധ്യത്തില്‍ കമ്മിറ്റി ചെയര്‍മാന്‍ മുസ്തഫ മജ്‌ലാന് കൈമാറി.
Mundothinta changathimar WhatsApp community done charity work
.jpg)
.png)
