താമരശ്ശേരി: കൃഷി നശിപ്പിച്ച് കൊണ്ടിരുന്ന കാട്ടുപന്നിയെ വെടിവെച്ച് കൊന്നു. കട്ടിപ്പാറ ഗ്രാമ പഞ്ചായത്തിലെ മലയോര പ്രദേശമായ പുലോട് പിടികക്കുന്ന് ശ്രീധരന്റെ കൃഷിസ്ഥലത്ത് ഇന്ന് പുലര്ച്ചെ കൃഷി നശിപ്പിച്ച് കൊണ്ടിരുന്ന ഏകദേശം രണ്ട് വയസ്സ് പ്രായംവും 40 കിലോ തൂക്കവുമുള്ള കാട്ടുപന്നിയെയാണ് വെടിവെച്ച് കൊന്നത്.
താമരശ്ശേരി വനംവകുപ്പിന്റെ എം പാനല് ലിസ്റ്റില്പ്പെട്ട കോളിക്കല് വേണാടി ചന്തുക്കുട്ടിയാണ് കാട്ടുപന്നിയെ വെടിവെച്ച് കൊന്നത്. കെ.വി. സെബാസ്റ്റ്യന്, ഫോറസ്റ്റ് സ്റ്റാഫുമാരായ എന്.കെ. ഇബ്രായി, എം.എം. പ്രസാദ്, ആന്ററി പോച്ചിങ്ങ് വാച്ചര്ന്മാരായ പി.പി. രവി, ആര്. സജി എന്നിവര് സ്ഥലത്തെത്തി.
The wild boar, which was destroying the farm, was shot and killed