കൂരാച്ചുണ്ട്: കാറ്റുള്ള മല ടൂറിസം കേന്ദ്രത്തില് വാച്ച് ടവര് നിര്മാണം പുരോഗമിക്കുന്നു. കോട്ടൂര്, പനങ്ങാട്, കൂരാച്ചുണ്ട് പഞ്ചായത്തുകളുടെ അതിര്ത്തി പങ്കിട്ടുന്ന മലയോര മേഖലയായ നമ്പികുളം, കാറ്റുള്ളമല കേന്ദ്രീകരിച്ച് 1.5 കോടിയുടെ ടൂറിസം പദ്ധതി വികസന പദ്ധതികളാണ് നടന്നു വരുന്നത്.
സമുദ്രനിരപ്പില്നിന്ന് 2400 അടിയോളം ഉയരത്തില് സ്ഥിതി ചെയ്യുന്ന നമ്പികുളം കാറ്റുള്ള മലയില് പേരിനെ അന്വര്ഥമാക്കും വിധം സദാ സമയവും ശക്തമായ കാറ്റുള്ള പ്രദേശമാണ്. കോടമഞ്ഞ് മൂടിക്കിടക്കുന്ന ഇവിടം കൊടൈക്കനാലിന്റെ പ്രകൃതി സൗന്ദര്യമാണ് പകര്ന്നു തരുന്നത്. ഇവിടുത്തെ വ്യൂ പോയന്റിനോടനുബന്ധിച്ചാണ് വാച്ച്ടവര് പണിയുന്നത്.
പെരുവണ്ണാമൂഴി റിസര്വോയര് കാഴ്ചയും പടിഞ്ഞാറ് അറബിക്കടലിന്റെ വിദൂര കാഴ്ചയും ഇവിടെ നിന്ന് ദൃശ്യമാകും. ഒരു കാലത്ത് ജില്ലയിലെ പ്രധാന പൊലീസ് വയര്ലസ് സ്റ്റേഷന് ഇവിടെയായിരുന്നു പ്രവര്ത്തിച്ചിരുന്നത്. ഇടിമിന്നലേറ്റ പൊലീസുകാരന് മരിച്ചതോടെയാണ് വയര്ലസ് കേന്ദ്രം ഇവിടെനിന്നു മാറ്റിയത്.
കൂരാച്ചുണ്ട് റോഡിലെ എരപ്പാന്തോടില് നിന്ന് ആറു കി.മി. മലകയറി വേണം ഇവിടെ എത്താന് ഇവിടേക്കുള്ള റോഡ് നവീകരിക്കാനും പദ്ധതിയുണ്ട്. ടൂറിസം വികസനത്തിന്റെ ഭാഗമായി ടോയ്ലറ്റ്, കഫറ്റീരിയ, ഇരിപ്പിടം, വിശ്രമകേന്ദ്രം എന്നിവയും നിര്മിക്കും.
Construction of the Watch Tower is in progress at the Windy Mountain Tourism Center