പൂനൂര്‍: പൂനൂര്‍ ടൗണില്‍ കാലൊടിഞ്ഞ് ദിവസങ്ങളായി ദുരിതമനുഭവിക്കുന്ന തെരുവ് നായക്ക് ഹെല്‍ത്ത് കെയര്‍ ഫൗണ്ടേഷന്‍ തുണയായി. പീപ്പിള്‍സ് ഫോര്‍ ആനിമല്‍സ് കൂട്ടായ്മ പാലക്കാട് നടത്തുന്ന സംരക്ഷണ കേന്ദ്രത്തിലേക്കാണ് നായയെ കൊണ്ട് പോയത്.
സര്‍ക്കാര്‍ സംവിധാനത്തില്‍ അഡ്മിറ്റ് ചെയ്ത് ചികിത്സ നല്‍കാന്‍ സൗകര്യമില്ലാത്ത സാഹചര്യത്തിലാണ് സംരക്ഷണ കേന്ദ്രത്തിലെത്തിക്കാന്‍ തീരുമാനിച്ചത്. കേരളത്തിന്റെ വ്യത്യസ്ത ഭാഗങ്ങളില്‍ നിന്ന് മാരക രോഗങ്ങള്‍, അപകടങ്ങള്‍ എന്നിവ മൂലം പ്രയാസത്തിലായ നൂറുക്കണക്കിന് നായകള്‍ക്ക് നിലവില്‍ പീപ്പിള്‍സ് ഫോര്‍ അനിമല്‍ കൂട്ടായ്മ പാലക്കാട് സംരക്ഷണമൊരുക്കുന്നുണ്ട്.
ഇതിനെ പാലക്കാട്ടേക്ക് എത്തിക്കുന്നതിനും അവിടെ ചികിത്സ നല്‍കുന്നതിനുമുള്ള ചെലവിലേക്ക് 7500 രൂപ പൂനൂരിലെ വ്യാപാര സ്ഥാപനങ്ങളായ അന്നപൂര്‍ണ്ണ സൂപ്പര്‍ മാര്‍ക്കറ്റ്, നിബ്രാസ് ഹോട്ടല്‍, സക്കീര്‍ കാര്‍ വര്‍ക്ഷോപ്പ്, മണിലാല്‍ ഇന്‍ഡസ്ട്രീസ്, സമാറ ഗോള്‍ഡ്, കലിക്കറ്റ് ഗോള്‍ഡ്, ലിം മാസ് ഇലക്ട്രിക്കല്‍സ്, റോയല്‍ ബിഗ് മാര്‍ട്ട്, റൂബി സൂപ്പര്‍ മാര്‍ക്കറ്റ്, റെഡ് ടാഗ്, ഡഗ മെഡിക്കല്‍സ്, ജനത മുജീബ്, സംസം ബേക്കറി, പൂനൂര്‍ ക്ലിനിക്ക് ഷമീം, ഓപ്പണ്‍ മെഡിസിന്‍, പൂനൂര്‍ ഡയഗ്‌നോസ്റ്റിക് സെന്റര്‍, പൂനൂര്‍ പോളി ക്ലിനിക്, ഗള്‍ഫ് ബസാര്‍, കാവേരി മെറ്റല്‍സ്, പൂനൂര്‍ ബേക്കറി എന്നിവര്‍ ചേര്‍ന്ന് സംഭാവന നല്‍കി.
ഹല്‍ത്ത് കെയര്‍ ഫൗണ്ടേഷന്‍ ഡിസാസ്റ്റര്‍ മാനേജ്മന്റ് ടീം ചെയര്‍മാന്‍ കെ. അബ്ദുല്‍ മജീദ്, കണ്‍വീനര്‍ ശംസുദ്ധീന്‍ എകരൂല്‍ എന്നിവര്‍ നേതൃത്വം നല്‍കി.
The Health Care Foundation shaded the street dog
.jpg)
