കോട്ടൂര്: നവംബര് ഒന്നിന് കുട്ടികള് സ്കൂളിലെത്തുന്നതിനോടനിബന്ധിച്ച് എല്ലാ സ്കൂളുകളിലെയും ശുചീകരണ സൗന്ദര്യവല്ക്കരണ പ്രവര്ത്തനങ്ങള് അവസാനഘട്ടത്തിലാണ്.
ഇതിന്റെ ഭാഗമായി കോട്ടൂര് ഗ്രാമപഞ്ചായത്തിലെ 16 സ്കൂളുകളില് ഒരുക്കിയ മുന്കരുതലുകള് വിലയിരുത്താന് ഗ്രാമ പഞ്ചായത്ത് ഹാളില് പ്രധാന അധ്യാപകരുടെയും അധ്യാപക സംഘടനാ പ്രതിനിധികളുടെയും വിപുലമായ യോഗം ചേര്ന്നു. യോഗത്തില് ഔദ്യോഗിക ജീവിതത്തില് നിന്ന് വിടപറഞ്ഞ അധ്യാപകര്ക്ക് യാത്രയയപ്പും സ്കൂളുകള്ക്കുള്ള കോവിഡ് പ്രതിരോധ കിറ്റ് വിതരണോദ്ഘാടനവും നടന്നു.
ഗ്രാമപഞ്ചായത്ത് അധ്യക്ഷന് സി.എച്ച് സുരേഷ് വിതരണോദ്ഘാടനം നിര്വ്വഹിച്ചു. വൈസ് പ്രസിഡന്റ് വിലാസിനി പൊയില് അധ്യക്ഷയായി. ആരോഗ്യ വിദ്യാഭ്യാസ സ്റ്റാന്റിംങ് കമ്മറ്റി ചെയര്മാന് ആര്.കെ. ഫെബിന്ലാല് പങ്കെടുത്തു. അധ്യായന വര്ഷാരംഭം പ്രവര്ത്തനവുമായി ബന്ധപ്പെട്ട് നേരത്തെ കൈക്കൊണ്ട തീരുമാനങ്ങള് പൂര്ണമായും നടപ്പിലാക്കാന് സാധ്യമായി എന്ന് യോഗം വിലയിരുത്തി.
Cleaning and beautification work in schools is in its final stages