Categories
balusseryspecial

പ്ലസ്ടു, വിഎച്ച്എസ്ഇ പരീക്ഷാ കേന്ദ്രങ്ങൾ സജ്ജീകരിക്കാൻ മുന്നിട്ടിറങ്ങും: ഡിവൈഎഫ്‌ഐ

സെപ്റ്റംബർ 6 മുതൽ 16 വരെ സംസ്ഥാനത്ത് നടത്തുന്ന ഹയർ സെക്കന്ററി, വൊക്കേഷണൽ ഹയർ സെക്കന്ററി പൊതു പരീക്ഷകളുടെ പശ്ചാത്തലത്തിൽ പരീക്ഷാ കേന്ദ്രങ്ങളായ സ്‌കൂളുകൾ ശുചീകരിക്കുന്നതിനും പരീക്ഷാ നടത്തിപ്പിനായി സജ്ജമാക്കുന്നതിനും മുന്നിട്ടിറങ്ങുമെന്ന് ഡിവൈഎഫ്‌ഐ പ്രസ്താവനയിൽ അറിയിച്ചു. പൊതു വിദ്യാഭ്യാസവകുപ്പുമന്ത്രി
വി.ശിവൻകുട്ടി ഇതു സംബന്ധിച്ച് സംസ്ഥാനത്തെ യുവജന സംഘടനകളുടെ ഇടപെടലിന് അഭ്യർത്ഥന നടത്തിയിരുന്നു. ഈ പശ്ചാത്തലത്തിലാണ് വിപുലമായ പരിപാടിക്ക് ഡിവൈഎഫ്‌ഐ രൂപം നൽകുന്നത്. ഹയർ സെക്കന്ററി പരീക്ഷയ്ക്കായി 2035 കേന്ദ്രങ്ങളും വിഎച്ച്എസ്ഇയിൽ 280 പരീക്ഷാ കേന്ദ്രങ്ങളുമാണ് തയ്യാറാക്കേണ്ടത്. ദീർഘകാലമായി സ്‌കൂളുകൾ അടച്ചിട്ടിരിക്കുന്നതിനാൽ പരീക്ഷയ്ക്കായി ക്ലാസ്മുറികളും പരിസരവും ശുചീകരിക്കേണ്ടതുണ്ട്. സ്‌കൂൾ പ്രിൻസിപ്പാൾമാരുമായി ബന്ധപ്പെട്ട് ഡിവൈഎഫ്‌ഐ വാളന്റിയർമാർ ഈ പ്രവർത്തനത്തിൽ പങ്കാളികളാകും. പരീക്ഷാകേന്ദ്രങ്ങളിൽ എത്താൻ കോവിഡ് ബാധിതരോ ക്വാറന്റൈനിൽ കഴിയുന്നതോ ആയ വിദ്യാർത്ഥികൾക്ക് വാഹന സൗകര്യം ഉറപ്പുവരുത്താനും ഡിവൈഎഫ്‌ഐ തീരുമാനിച്ചിട്ടുണ്ട്. മുൻപ് നടന്ന എസ്.എസ്.എൽ.സി പരീക്ഷകളിലും മറ്റ് സർവ്വകലാശാല പരീക്ഷകളിലും ആവശ്യക്കാർക്ക് വാഹന സൗകര്യം ഡിവൈഎഫ്‌ഐ ഒരുക്കിയിരുന്നു. ഇക്കുറിയും അത് ആവർത്തിക്കാനാണ് തീരുമാനമെന്ന് ഡിവൈഎഫ്‌ഐ സംസ്ഥാന സെക്രട്ടറിയേറ്റ് പ്രസ്താവനയിൽ അറിയിച്ചു.


Spread the love
ബാലുശ്ശേരി ന്യൂസ്‌ ഫേസ്ബുക്ക്, ടെലഗ്രാം, പേജുകളിലൂടെയും ഫോളോ ചെയ്യാം. വീഡിയോ സ്‌റ്റോറികള്‍ക്കായി ഞങ്ങളുടെ യൂട്യൂബ് ചാനല്‍ സബ്‌സ്‌ക്രൈബ് ചെയ്യുക

News from our Regional Network

tvnews
tvnews
tvnews
tvnews
tvnews
tvnews
tvnews
tvnews
tvnews
tvnews
Balussery News Live

RELATED NEWS

NEWS ROUND UP