കോഴിക്കോട് : കേരള റെകഗ്നൈസ്ഡ് സ്കൂൾ മാനേജ്മെന്റ് അസോസിയേഷൻ (കെ ആർ എസ് എം എ) കോഴിക്കോട് റവന്യൂ ജില്ലയിലെ 100% വിജയം കരസ്ഥമാക്കിയ വിദ്യാലയങ്ങളെയും എസ് എസ് എൽ സി ക്ക് ഫുൾ എ പ്ലസ് കിട്ടിയ വിദ്യാർത്ഥികളെയും ഹയർ സെക്കൻ്ററിയിൽ ഫുൾ മാർക്ക് കിട്ടിയവരെയും എൽ എസ് എസ്, യു എസ് എസ് കിട്ടിയവരെയും അനുമോദിച്ചു.
കോഴിക്കോട് മർക്കസ് ഇന്റർനാഷണൽ സ്കൂളിൽ വെച്ച് നടന്ന ചടങ്ങിൽ കുവൈറ്റിൽ അഗ്നിക്കിരയായി മരിച്ച സഹോദരങ്ങളുടെ ആത്മാവിന് നിത്യശാന്തി നേർന്നതിന് ശേഷമാണ് അനുമോദന ചടങ്ങ് ആരംഭിച്ചത്.
എൻ സി ഇ ആർ ടി കരിക്കുലം കമ്മറ്റി മുൻ ചെയർമാൻ പ്രൊഫസർ എം എ ഖാദർ ഉദ്ഘാടനം ചെയ്ത അനുമോദന ചടങ്ങിൽ ബഹു:കോഴിക്കോട് സബ് കളക്ടർ ഹർഷിൽ മീനകുമാർ 100% റിസൽട്ട് കരസ്ഥമാക്കിയ വിദ്യാലയങ്ങൾക്കുള്ള മെമെന്റോ വിതരണോത്ഘാടനം നിർവ്വഹിച്ചു.
ദേശീയ ജൂനിയർ ഡിസ്ട്രിക് ചാമ്പ്യൻഷിപ്പിൽ പങ്കെടുക്കുന്ന വടകര ശ്രീനാരായണ ഹയർ സെക്കൻ്ററി സ്കൂളിലെ അഹൽ എൻ ഷജിത്ത്, മാവൂർ ക്രസൻ്റ് പബ്ലിക് സ്കൂളിൽ നിന്നും ഡ്രോപ്പ് റോ ബോൾ ദേശീയ മത്സരത്തിൽ പങ്കെടുക്കുന്ന മുഹമ്മദ് റിഷാൻ എന്നിവരെയും ചടങ്ങിൽ അനുമോദിച്ചു.
ജില്ലാ പ്രസിഡന്റ് ഡോക്ടർ എസ്. വിക്രമൻ അധ്യക്ഷത വഹിച്ച യോഗത്തിൽ കെ ആർ എസ് എം എ സംസ്ഥാന ജനറൽ സെക്രട്ടറി മുജീബ് പൂളക്കൽ മുഖ്യ പ്രഭാഷണം നടത്തി.
രഞ്ജീവ് കുറുപ്പ്, ലുഖ്മാൻ മിസ്ബാഹി, മർക്കസ് ഇൻ്റർനാഷണൽ സ്കൂൾ പ്രിൻസിപ്പൽ ദിൽഷാദ്, ഹർഷാദ് എം ഷാ, സി.പി.അബൂബക്കർ, പി.വി.അനൂപ് കുമാർ, എ.കെ. അബ്ദുള്ള, ഡിഎം.ശശിധരൻ എന്നിവർ സംബന്ധിച്ചു. ഡോപാ ഡയറക്ടർ വി.എം. ഹാരിസ് ലാൽ, കോഡ് റോബോ സി.ഇ.ഒ രജനീഷ് എന്നിവർ ഓറിയൻ്റേഷൻ ക്ലാസും, ആർട്ടിഫിഷ്യൽ ഇൻ്റലിജൻസ് ക്ലാസും എടുത്തു.
കോഴിക്കോട് റവന്യൂ ജില്ലയിലെ 28 സ്കൂളുകളിൽ നിന്ന് മുന്നൂറ്റി അമ്പതിൽ അധികം വിദ്യാർത്ഥികൾ അനുമോദന ചടങ്ങിൻ്റെ ഭാഗമായി.
കുട്ടികൾ ചോദിക്കുന്ന ഏത് ചോദിത്തിനു ഉത്തരം നൽകുന്ന കോഡ് റോബോ അവതരിപ്പിച്ച ബെല്ല റോബോട്ട് ഏറെ കൗതുകമായി.
അനുമോദന ചടങ്ങിന് ജില്ലാ ജനറൽ സെക്രട്ടറി പ്രൊഫ.മുഹമ്മദ് ബഷീർ മണലൊടി സ്വാഗതവും വർക്കിംഗ് സെക്രട്ടറി ടി.പി.മുഹമ്മദ് മുനീർ നന്ദിയും രേഖപ്പെടുത്തി.
Vijayotsavam 2024 organized by Kerala Recognized School Management Association.
.jpg)
.jpg)
