ബാലുശ്ശേരി : പട്ടികജാതി ക്ഷേമസമിതി ബാലുശ്ശേരി ഏരിയാ പഠന ക്യാമ്പ് വയലട തെങ്ങിന്‍ കുന്നില്‍ വെച്ച് നടന്നു. പികെഎസ് സംസ്ഥാന സെക്രട്ടറി അഡ്വ: സോമപ്രസാദ് എം.പി ഉദ്ഘാടനം ചെയ്തു.
2 ദിവസങ്ങളിലായി നടന്ന ക്യാമ്പില്‍ ബാലുശ്ശേരി ഏരിയയിലെ 14 ലോക്കല്‍ കമ്മിറ്റികളില്‍ നിന്നും പ്രതിനിധികള്‍ പങ്കെടുത്തു. 15 ന് നടന്ന പൊതുസമ്മേളനത്തില്‍ ബാലസംഘം അവിടനല്ലൂര്‍ മേഖലയിലെ ബാലസംഘം കൂട്ടുകാരുടേയും വയനാട് നാടന്‍പാട്ട്, കലാസംഘത്തിന്റെ കലാപരിപാടികളും നടന്നു. താഴെ തട്ടില്‍ ഉള്‍പ്പടെയുള്ള സമ്മേളനങ്ങള്‍ക്ക് തുടക്കം കുറിക്കുന്നതിന്റെ മുന്നോടിയായിട്ടാണ് പഠന ക്യാമ്പ് സംഘടിപ്പിച്ചത.്
ജനുവരി മാസത്തില്‍ യൂണിറ്റ് സമ്മേളനങ്ങളും ഫെബ്രവരി മാര്‍ച്ച് മാസത്തില്‍ ലോക്കല്‍ ഏരിയാ സമ്മേളനങ്ങളും പൂര്‍ണ്ണമായ കോവിഡ് പ്രൊട്ടോകോള്‍ പാലിച്ചുകൊണ്ട് നടത്തും. പ്രസിഡന്റ് കെ. ബാലകൃഷ്ണന്‍ അദ്ധ്യക്ഷത വഹിച്ച ക്യാമ്പില്‍ പുകസ നേതാവ് ശ്രീചിത്രന്‍ പാലക്കാട്, കാലടി സര്‍വ്വകലാശാല ഗവേഷക വിദ്യാര്‍ത്ഥി ഷിബിന്‍ കണ്ടോത്ത്, പേരാമ്പ്ര ബ്ലോക്ക് പട്ടികജാതി വികസന ഓഫീസര്‍ സുഷമ എന്നിവര്‍ ക്ലാസുകള്‍ എടുത്തു.
പൊതു സമ്മേളനത്തില്‍ ജില്ലാ സെക്രട്ടറി സി.എം ബാബു, ബ്ലോക്ക് പ്രസിഡന്റ് വി.കെ അനിത, ട്രഷറര്‍ ഒ.എം ഭരദ്വാജ്, ജോയിന്റ് സെക്രട്ടറി പി.എം. ബാബു, എകെഎസ് സംസ്ഥാന വൈസ് പ്രസിഡന്റ് കെ.കെ. ബാബു, അജീന്ദ്രന്‍, ഗ്രാമപഞ്ചായത്ത് അംഗങ്ങളായ ദിലീപ്, റംല, പി.ആര്‍ സുരേഷ് എന്നിവര്‍ സംസാരിച്ചു. ചടങ്ങില്‍ ഏരിയാ സെക്രട്ടറി ഷാജി തച്ചയില്‍ സ്വാഗതം പറഞ്ഞ ചടങ്ങിന് ട്രഷറര്‍ കെ.സി വേലായുധന്‍ നന്ദിയും പറഞ്ഞു.
Scheduled Caste Welfare Committee conducted Balussery Area Study Camp
.jpg)
