തൃക്കുറ്റിശ്ശേരി: അസംഘടിത തൊഴിലാളികള്ക്കായി കേന്ദ്രസര്ക്കാര് നടപ്പിലാക്കി വരുന്ന ജനക്ഷേമപദ്ധതിയായ ഇ-ശ്രം കാര്ഡിന്റെ ആദ്യഘട്ട സൗജന്യ രജിസ്ട്രേഷന് ക്യാമ്പ് കോട്ടൂര് സേവാഭാരതിയുടെ നേതൃത്വത്തില് തൃക്കുറ്റിശ്ശേരി ജിയുപി സ്കൂളില് വെച്ച് നടന്നു. പരിപാടിയുടെ ഉദ്ഘാടനം മുന് കേന്ദ്ര ഗവണ്മെന്റ് ഉദ്യോഗസ്ഥനും സമിതിയുടെ രക്ഷാധികാരിയുമായ പി.എന്. ഉണ്ണികൃഷ്ണന് നിര്വ്വഹിച്ചു.
ശിവപ്രിയയുടെ പ്രാര്ത്ഥനയോടെ തുടങ്ങിയ ചടങ്ങില് സേവാഭാരതി പഞ്ചായത്ത് പ്രസിഡന്റ് ടി.കെ. ബാലകൃഷണന് അധ്യക്ഷനായി. സെക്രട്ടറി വി.ആര്. രതീഷ് സ്വാഗതം പറഞ്ഞു. സേവാഭാരതി കോഴിക്കോട് ജില്ലാ ഐടി കോര്ഡിനേറ്റര് ബിനോയ് സേവാസന്ദേശം നല്കി. സേവാഭാരതി തൃക്കുറ്റിശ്ശേരി ഉപസമിതി ജനറല് കണ്വീനര് എന്.എസ്. അര്ജുന് നന്ദി പ്രകാശിപ്പിച്ചു.
സേവാഭാരതി കോട്ടൂര് പഞ്ചായത്ത് ട്രഷറര് പി.വി. വിജീഷ്, ഐടി കോര്ഡിനേറ്റര് ആനന്ദ് ഹരി, മോഹനന് പാലോളി, ധന്യ വാകയാട്, ലിബിഷ നരയംകുളം, സി.എം. ശശി, സുമേഷ്, ബിജു കൊളക്കണ്ടി, സജീവന് നരയംകുളം എന്നിവര് പരിപാടിക്ക് നേതൃത്വം നല്കി.
Free e-shram card registration camp held at Thrikkutissery