കൊയിലാണ്ടി: ഭക്ഷണം പോലെ മരുന്ന് കഴിക്കേണ്ടി വരുന്ന നമ്മുടെ സമൂഹത്തിന് അനുഗ്രഹമാണ് മില്ലറ്റുകള്‍ എന്നും മില്ലറ്റുകളുടെ ഉപയോഗം പരമാവധി പ്രചരിപ്പിക്കേണ്ടതുണ്ട് എന്നും എംഎല്‍എ കാനത്തില്‍ ജമീല പറഞ്ഞു.
മില്ലറ്റ് മിഷന്‍ കേരള കൊയിലാണ്ടി താലൂക്ക് കണ്‍വെന്‍ഷന്‍ കൊയിലാണ്ടി അലയന്‍സ് ഓഡിറ്റോറിയത്തില്‍ ഉദ്ഘാടനം ചെയ്തു സംസാരിക്കുകയായിരുന്നു അവര്‍. മില്ലറ്റ് മിഷന്‍ ജില്ലാ പ്രസിഡന്റ് വടയക്കണ്ടി നാരായണന്‍ അധ്യക്ഷത വഹിച്ച ചടങ്ങില്‍ ബാലന്‍ അമ്പാടി മുഖ്യാതിഥിയായി.
'മില്ലറ്റും മില്ലറ്റ് കൃഷിയും' എന്ന വിഷയത്തില്‍ ഉണ്ണികൃഷ്ണന്‍ പേരാമ്പ്ര ക്ലാസ് എടുത്തു. ജില്ലാ സെക്രട്ടറി സെഡ് എ. സല്‍മാന്‍, ട്രഷറര്‍ സനേഷ് കുമാര്‍, ബേബി ഗീത, രാധാകൃഷ്ണന്‍ ചെറുവറ്റ, ഹമീദ് പുതുശ്ശേരി തുടങ്ങിയവര്‍ സംസാരിച്ചു.
താലൂക്ക് പരിധിയിലെ രണ്ട് മുനിസിപ്പാലിറ്റികളിലും 18 ഗ്രാമപഞ്ചായത്തുകളിലും കൃഷി കൂട്ടങ്ങള്‍ രൂപീകരിച്ചു. താലൂക്ക് കമ്മിറ്റി ഭാരവാഹികളായി രാധാകൃഷ്ണന്‍ ചെറുവറ്റ (പ്രസിഡന്റ്), ഡോ. ബിനു ശങ്കര്‍, സതീശന്‍ ചേമഞ്ചേരി, എം. അരുണിമ (വൈസ് പ്രസിഡന്റുമാര്‍), കെ.എം. സുരേഷ് ബാബു (സെക്രട്ടറി), പി.ടി. തോമസ്, മിനി ചന്ദ്രന്‍ (ജോ. സെക്രട്ടറിമാര്‍) ഹമീദ് പുതുശ്ശേരി (ട്രഷറര്‍) എന്നിവരെ തിരഞ്ഞെടുത്തു. താലൂക്ക് കമ്മിറ്റി ഓഫീസായി നാച്ചുറല്‍ ഹീലിംഗ് സെന്ററിനെ നിശ്ചയിച്ചു.
ഒക്ടോബര്‍ രണ്ടിന് മുഴുവന്‍ കൃഷി കൂട്ടങ്ങളുടെയും നേതൃത്വത്തില്‍ മില്ലറ്റ് കൃഷി ആരംഭിക്കും. അതിനു മുമ്പായി മണ്ണൊരുക്കം, വളപ്രയോഗം തുടങ്ങിയവയും നടത്തും. ഇതിന് ആവശ്യമായ പരിശീലനങ്ങള്‍ മില്ലറ്റ് മിഷന്‍ കര്‍ഷകര്‍ക്ക് നല്‍കും.
true vision koyilandy Millet Mission Kerala Koyilandy Taluk Convention was held
.jpg)
