ബാലുശ്ശേരി: അന്താരാഷ്ട്ര നിലവാരത്തിലേക്കുള്ള കുതിപ്പില്‍ ബാലുശ്ശേരി ഗവ. ഗേള്‍സ് ഹയര്‍ സെക്കണ്ടറി സ്‌കൂളില്‍ പുതുതായി പണിത കെട്ടിട സമുച്ചയത്തിന്റെ ഉദ്ഘാടനം ഡിസംബര്‍ 5 ഞായറാഴ്ച കേരള പൊതുമരാമത്ത് വകുപ്പ് മന്ത്രി പി.എ. മുഹമ്മദ് റിയാസ് നിര്‍വഹിക്കും. രാവിലെ 10.30 ന് സ്‌കൂള്‍ ഓഡിറ്റോറിയത്തില്‍ നടക്കുന്ന ചടങ്ങില്‍ ബാലുശ്ശേരി എംഎല്‍എ അഡ്വ. കെ.എം. സച്ചിന്‍ദേവ് അധ്യക്ഷനായി.
കിഫ്ബിയില്‍ നിന്ന് അനുവദിച്ച മൂന്ന് കോടി രൂപ ഉപയോഗിച്ച് ആധുനിക സൗകര്യങ്ങള്‍ ഒരുക്കിയാണ് കെട്ടിടം നിര്‍മ്മിച്ചിരിക്കുന്നത്. പഠന പഠനാനുബന്ധ മേഖലകളില്‍ മികച്ച നിലവാരം പുലര്‍ത്തുന്ന കോഴിക്കോട് ജില്ലയിലെ ഈ സര്‍ക്കാര്‍ വിദ്യാലയം അന്താരാഷ്ട്ര നിലവാരത്തിലേക്കാണ് ഉയര്‍ത്തപ്പടുന്നത്. കുട്ടികളുടെ സമഗ്രവികസനത്തിനായി ഏറെക്കുറെ എല്ലാ സൗകര്യങ്ങളും ഇവിടെ ഒരുക്കിയിട്ടുണ്ടെന്ന് ഭാരവാഹികള്‍ പറഞ്ഞു.
സ്‌കൂളിന്റെ പൂര്‍ണ വികസനത്തിലേക്ക് ഇനിയും കാര്യങ്ങള്‍ ചെയ്യാനുണ്ടെന്നും അവര്‍ കൂട്ടി ചേര്‍ത്തു. ഉദ്ഘാടന ചടങ്ങില്‍ ജില്ല പഞ്ചായത്ത് പ്രസിഡന്റ് ഷീജ ശശി മുഖ്യാതിഥിയായി പങ്കെടുക്കും. ഇന്ന് വൈകുന്നേരം വിളംബരജാഥയും ചിത്രകാര സംഗമവും നടത്തും. പ്രിന്‍സിപ്പാള്‍ ആര്‍. ഇന്ദു, പിടിഎ പ്രസിഡന്റ് ഷൈബു കെ. ജാഫര്‍ രാരോത്ത്, കെ. ശോഭന എന്നിവര്‍ പത്രസമ്മേളനത്തില്‍ പങ്കെടുത്തു.
Balussery Govt. Girls Higher Secondary School building complex inaugurated tomorrow
.jpg)
