ബാലുശ്ശേരി: അന്താരാഷ്ട്ര നിലവാരത്തിലേക്കുള്ള കുതിപ്പില് ബാലുശ്ശേരി ഗവ. ഗേള്സ് ഹയര് സെക്കണ്ടറി സ്കൂളില് പുതുതായി പണിത കെട്ടിട സമുച്ചയം പൊതുമരാമത്ത്, ടൂറിസം വകുപ്പ് മന്ത്രി അഡ്വ. പി. എ മുഹമ്മദ് റിയാസ് ഉദ്ഘാടനം ചെയ്തു. കിഫ്ബിയില് നിന്ന് അനുവദിച്ച മൂന്ന് കോടി രൂപ ഉപയോഗിച്ച് ആധുനിക സൗകര്യങ്ങള് ഒരുക്കിയാണ് കെട്ടിടം നിര്മ്മിച്ചിരിക്കുന്നത്.
സ്കൂള് ഓഡിറ്റോറിയത്തില് വച്ച് നടന്ന ചടങ്ങില് ബാലുശ്ശേരി എംഎല്എ അഡ്വ. കെ.എം. സച്ചിന്ദേവ് അധ്യക്ഷനായി. ബാലുശ്ശേരി ഗ്രാമപഞ്ചായത്ത് പ്രസിഡണ്ട് രൂപലേഖ കൊമ്പിലാട് സ്വാഗതം പറഞ്ഞു. പ്രിന്സിപ്പാള് ആര്. ഇന്ദു റിപ്പോര്ട്ട് അവതരിപ്പിച്ചു. ഷീജ ശശി വിദ്വാകിരണം ലാപ്ടോപ്പ് വിതരണം നിര്വ്വഹിച്ചു. ബ്ലോക്ക് പഞ്ചായത്ത് പ്രസിഡണ്ട് വി.കെ. അനിത, ജില്ലാ പഞ്ചായത്ത് അംഗം പി.പി. പ്രേമ, റംല മാടംവള്ളികുന്നത്ത്, ഉമ മഠത്തില്, ഹരീഷ് നന്ദനം എന്നിവര് ചടങ്ങില് പങ്കെടുത്തു.
Balussery Govt. Girls Higher Secondary School building complex inaugurated