---
title: "കോഴിക്കോട് ഇനി യുനെസ്കോയുടെ 'സാഹിത്യ നഗരം'; ഔദ്യോഗികമായി പ്രഖ്യാപിച്ചു"
english_title: "Kozhikode is now a UNESCO 'City of Literature'; Officially announced"
publisher: "balusserynews.in"
canonical_url: "https://balussery.truevisionnews.com/news/214398/kozhikode-is-now-a-unesco-city-of-literature-officially-announced"
published_at: "2024-06-23T21:46:00+05:30"
category: "News"
language: "ml"
image: "https://cf.zdn.im/img/truevisionnews.com/0/image-uploads/66784b2b8c5bb_MBRAJHESH.jpg"
keywords: []
---

# കോഴിക്കോട് ഇനി യുനെസ്കോയുടെ 'സാഹിത്യ നഗരം'; ഔദ്യോഗികമായി പ്രഖ്യാപിച്ചു

> **Lead Summary:** **കോഴിക്കോട് : **യുനെസ്‌കോ സാഹിത്യനഗരമായി തിരഞ്ഞെടുത്ത കോഴിക്കോടിന് ഇനി ഈ പദവി സ്വന്തം.

## Article Content

**കോഴിക്കോട് : **യുനെസ്‌കോ സാഹിത്യനഗരമായി തിരഞ്ഞെടുത്ത കോഴിക്കോടിന് ഇനി ഈ പദവി സ്വന്തം.

ഞായറാഴ്ച വൈകീട്ട് തളി കണ്ടംകുളം മുഹമ്മദ് അബ്ദുറഹിമാന്‍ സ്മാരക ജൂബിലി ഹാളില്‍വെച്ച് നടന്ന ചടങ്ങില്‍ മന്ത്രി എം.ബി. രാജേഷ് ഔദ്യോഗിക പ്രഖ്യാപനം നടത്തി.

ഇതോടെ സാഹിത്യനഗരപദവി ലഭിക്കുന്ന ഇന്ത്യയിലെ ആദ്യനഗരമായി കോഴിക്കോട് മാറി.

കോര്‍പ്പറേഷന്റെ വജ്രജൂബിലി പുരസ്‌കാരം എം.ടി. വാസുദേവന്‍ നായര്‍ക്ക് സമര്‍പ്പിക്കും ലോഗോ പ്രകാശനവും വെബ്‌സൈറ്റ് പുറത്തിറക്കലും മന്ത്രി പി.എ. മുഹമ്മദ് റിയാസ് നിര്‍വഹിക്കും.

2023 ഒക്ടോബര്‍ 31-നാണ് കോഴിക്കോടിനെ സാഹിത്യനഗരമായി യുനെസ്‌കോ അംഗീകരിച്ചത്. നാലുവര്‍ഷത്തെ പ്രവര്‍ത്തനങ്ങളാണ് ആസൂത്രണംചെയ്യുന്നത്.

മാനാഞ്ചിറ, തളി, കുറ്റിച്ചിറ തുടങ്ങിയ സ്ഥലങ്ങളും പാര്‍ക്കുകളുമെല്ലാം സാഹിത്യ-സാംസ്‌കാരിക പരിപാടികള്‍ക്കുള്ള ഇടമാക്കുക, സാഹിത്യനഗരം എന്ന ബ്രാന്‍ഡിങ് യാഥാര്‍ഥ്യമാക്കുക തുടങ്ങിയവ ഇതിന്റെ ഭാഗമായി നടക്കും.

### Related Links & Sources
- [Original Story Source](https://balussery.truevisionnews.com/news/214398/kozhikode-is-now-a-unesco-city-of-literature-officially-announced)