ബാലുശ്ശേരി: ബാലുശ്ശേരി മണ്ഡലത്തില് തദ്ദേശ റോഡ് നവീകരണത്തിന് ആദ്യഘട്ടത്തില് 1.05 കോടിയുടെ ഭരണാനുമതി ലഭിച്ചതായി എംഎല്എ അറിയിച്ചു. കാലവര്ഷക്കെടുതിയില് തകര്ന്ന 9 ഗ്രാമപഞ്ചായത്തുകളിലെ 14 ഗ്രാമീണ റോഡുകള് നവീകരിക്കുന്നതിനാണ് റവന്യൂവകുപ്പ് ഫണ്ട് അനുവദിക്കുന്നത്.
എം.എല്.എ നിങ്ങളോടൊപ്പം എന്ന പരിപാടിയില് നിരവധി പരാതികള് ലഭിച്ച കാവുന്തറ പിഎച്ച്സി, കാഞ്ഞൂര് താഴെ റോഡ് ഉള്പ്പെടെയുള്ള 14 റോഡുകളാണ് നവീകരിക്കുന്നത്. ബ്ലോക്ക് പഞ്ചായത്ത് എഞ്ചിനീയറിംഗ് വിഭാഗമാണ് എസ്റ്റിമേറ്റ് എടുത്ത് ജില്ലാ കലക്ടര്ക്ക് സമര്പ്പിക്കേണ്ടത്. ജില്ലാ കലക്ടര് അനുമതി നല്കിയാല് ഓരോ ബ്ലോക്കിലേയും സെക്രട്ടറിമാര് വര്ക്ക് ടെണ്ടര് ചെയ്ത് പ്രവര്ത്തി പൂര്ത്തീകരിക്കണം. എല്ലാ ഗ്രാമ പഞ്ചായത്ത് പ്രസിഡണ്ടുമാരും അതാത് പഞ്ചായത്തിലെ പ്രവര്ത്തികള് സമയബന്ധിതമായി പൂര്ത്തീകരിക്കാന് ശ്രദ്ധിക്കേണ്ടതാണെന്നും അറിയിച്ചു.
വൈകുണ്ഡം മഞ്ഞപ്പുഴ റോഡ് - 5 ലക്ഷം ബാലുശ്ശേരി പഞ്ചായത്ത്, കാവുന്തറ പി.എച്ച്.സി കാഞ്ഞൂര് താഴെ റോഡ് - 10 ലക്ഷം നടുവണ്ണൂര് പഞ്ചായത്ത്, കൊടശ്ശേരി കണ്ണിപ്പൊയില് റോഡ് - 10 ലക്ഷം, അത്തോളി പഞ്ചായത്ത്, ചെറുക്കാട് മൊട്ടന്തറ റോഡ് 10 ലക്ഷം, കായണ്ണ ഗ്രാമ പഞ്ചായത്ത്, കന്നൂര് ചിറ്റാരിക്കടവ് റോഡ് - 10 ലക്ഷം, ഉള്ളിയേരി പഞ്ചായത്ത്, ചൊവ്വരിപാറ അംഗന്വാടി ചോയി മഠത്തില് പൊയില് റോഡ് - 5 ലക്ഷം, പനങ്ങാട് പഞ്ചായത്ത്, കുന്നുമ്മല് താഴെ കോവിലകം താഴെ താഴത്ത്കടവ് റോഡ് - 10 ലക്ഷം, കോട്ടൂര് ഗ്രാമപഞ്ചായത്ത്, കൂരാച്ചുണ്ട് വട്ടച്ചിറ റോഡ്- 5 ലക്ഷം, കൂരാച്ചുണ്ട് പഞ്ചായത്ത്, നിറ്റോറ കോളനി റോഡ്- 5 ലക്ഷം ,ഉണ്ണികുളം പഞ്ചായത്ത്, വലിയ വീട്ടില്താഴെ റോഡ് - 5 ലക്ഷം, ഉള്ളിയേരി പഞ്ചായത്ത്, കല്ലിടുക്കില് - കരിന്താറ്റില് റോഡ് - 10 ലക്ഷം, പനങ്ങാട് പഞ്ചായത്ത്, ചെടിക്കുളം നരയംകുളം റോഡ്- 10 ലക്ഷം, കോട്ടൂര് ഗ്രാമപഞ്ചായത്ത്, പറമ്പിന് മുകളില് കാരാട്ടുപാറ റോഡ്- 5 ലക്ഷം ബാലുശ്ശേരി ഗ്രാമപഞ്ചായത്ത്, കാവില് തുരുത്തിമുക്ക് റോഡ്- 10 ലക്ഷം, നടുവണ്ണൂര് ഗ്രാമപഞ്ചായത്ത് തുടങ്ങിയ റോഡുകള്ക്കാണ് ഒന്നാം ഘട്ടത്തില് റവന്യു വകുപ്പ് ഫണ്ട് അനുവദിച്ചിട്ടുള്ളതെന്ന് എംഎല്എ അറിയിച്ചു.
Monsoon; Administrative sanction of `1.05 crore for upgrading of various roads in Balussery