നന്മണ്ട : നന്മണ്ട തളി അയ്യപ്പ ഭജനമഠം അയ്യപ്പൻ വിളക്ക് മഹോത്സവം ഡിസംബർ 1,2 തിയ്യതികളിൽ നടക്കും.ഉത്സവത്തിന്റെ ഭാഗമായി കരിപ്പാല ഭാസ്കരസ്വാമി യുടെ നേതൃത്വത്തിൽ കൊടിയേറ്റം നടന്നു.
നവംബർ 29 നു കലവറ നിറക്കൽ നടക്കും. ഡിസംബർ 1 നു രാവിലെ 4 മണിക്ക് പ്രഭാത പൂജയോടെ ആരംഭിക്കുന്ന ചടങ്ങ് പാലക്കൊമ്പ് വരവ്, പ്രസാദ ഊട്ട്, താലപ്പൊലി, വെട്ടും തടവും, തിരി ഉഴിച്ചിൽ, ഭക്തിഗാനസുധ, നൃത്തനൃത്യങ്ങൾ, എന്നീ പരിപാടികളോടെ ഡിസംബർ 2 നു രാവിലെ സമാപിക്കും.
ഗജവീരന്റെ അകമ്പടിയോടെ അലച്ചാട്ടു ശ്രീകൃഷ്ണ ക്ഷേത്രത്തിൽ നിന്ന് ആരംഭിക്കുന്ന പാലക്കൊമ്പ് എഴുന്നള്ളത്ത് നഗര പ്രദക്ഷിണം നടത്തി ഭജന മഠത്തിൽ സമാപിക്കും.. ദേവനൃത്തം, തായമ്പക, പൂക്കാവടി, എന്നിവ താലപ്പൊലിക്ക് മാറ്റുകൂട്ടും
Nanmanda Thali Ayyappa Bhajan Math Ayyappa Lamp Festival on 1st and 2nd December
