---
title: " കന്നൂട്ടിപ്പാറ ഐയുഎം എൽ പി സ്കൂളിൽ അന്താരാഷ്ട്ര അറബിക് ദിനാഘോഷം സംഘടിപ്പിച്ചു"
english_title: "International Arabic Day celebration organized at IUM LP School, Kannootipara"
publisher: "balusserynews.in"
canonical_url: "https://balussery.truevisionnews.com/news/257282/international-arabic-day-celebration-organized-at-ium-lp-school-kannootipara"
published_at: "2024-12-18T20:11:00+05:30"
category: "News"
language: "ml"
image: "https://cf.zdn.im/img/truevisionnews.com/0/image-uploads/6762df6321f8d_0000_ATTACH__.jpg"
keywords: []
---

#  കന്നൂട്ടിപ്പാറ ഐയുഎം എൽ പി സ്കൂളിൽ അന്താരാഷ്ട്ര അറബിക് ദിനാഘോഷം സംഘടിപ്പിച്ചു

> **Lead Summary:** കട്ടിപ്പാറ : കന്നൂട്ടിപ്പാറ ഐയുഎം എൽ പി സ്കൂളിൽ അന്താരാഷ്ട്ര അറബിക് ദിനാഘോഷം വ്യത്യസ്തതയാർന്ന പരിപാടികളോടെ സംഘടിപ്പിച്ചു.

## Article Content

കട്ടിപ്പാറ : കന്നൂട്ടിപ്പാറ ഐയുഎം എൽ പി സ്കൂളിൽ അന്താരാഷ്ട്ര അറബിക് ദിനാഘോഷം വ്യത്യസ്തതയാർന്ന പരിപാടികളോടെ സംഘടിപ്പിച്ചു.

കട്ടിപ്പാറ പഞ്ചായത്ത് വൈസ് പ്രസിഡന്റ് സാജിദ ഇസ്മയിൽ ഉദ്ഘാടനം ചെയ്തു. ലോകത്ത് ഏറ്റവും വേഗത്തിൽ വളരുന്ന ഭാഷയായ അറബിക് ,തുറന്നിടുന്ന സാധ്യതകൾ അനന്ത വിശാലമാണെന്ന് അവർ ചൂണ്ടിക്കാട്ടി.

പിടിഎ പ്രസിഡണ്ട് ഷംനാസ് പൊയിൽ അധ്യക്ഷം വഹിച്ചു. വികസന സ്റ്റാൻ്റിംഗ് കമ്മറ്റി ചെയർമാൻ എ കെ അബൂബക്കർ കുട്ടി മുഖ്യാതിഥിയായി. അറബിക്കിൻ്റെ മഹത്വം നാൾക്കുനാൾ വർധിച്ചു വരികയാണെന്ന് അദ്ദേഹം വ്യക്തമാക്കി.

പ്രധാനാധ്യാപകൻ അബുലൈസ് തേഞ്ഞിപ്പലം മുഖ്യപ്രഭാഷണം നടത്തി. യുനെസ്ക്കോയുടെ അംഗീകാരമുള്ള ആറു ലോകഭാഷകളിൽ ഒന്നായ അറബിക്ക്, ഒരു മതത്തിൻ്റെയോ സമുദായത്തിൻ്റെയോ മാത്രം ഭാഷയല്ലെന്നും മുഴുവൻ ജനവിഭാഗങ്ങൾക്കും അവകാശപ്പെട്ടതാണെന്നും അദ്ദേഹം സമർത്ഥിച്ചു. സജ്ന നിസാർ, കെ കെ സലാം, കെ സി ശിഹാബ്, കെ ടി ആരിഫ്, കെ കെ ഷാഹിന പ്രസംഗിച്ചു.

അറബിക് അക്ഷരങ്ങളുപയോഗിച്ച് സ്കൂളിൽ തീർത്ത അക്ഷരവൃക്ഷവും, അറബിക് രുചി മേളമൊരുക്കിയ ഫുഡ് പവലിയനും ഏറെ ജനശ്രദ്ധയാകർഷിച്ചു.

അറബിക് ദിനാഘോഷവുമായി ബന്ധപ്പെട്ട് സംഘടിപ്പിച്ച കളറിംഗ് മത്സരത്തിൽ യഥാക്രമം ഒന്നും രണ്ടും മൂന്നും സ്ഥാനങ്ങൾ നേടിയ ഇഷ ഫാത്തിമ, റയ മഹ്ജബിൻ, മൻഹ ഫാത്തിമ,,അറബിക് കാലിഗ്രഫി മത്സരത്തിൽ വിജയികളായ ഫാത്തിമ ബത്തൂൽ, സൻഹ മറിയം, ബത്തൂൽ എന്നിവർക്കും സംസ്ഥാന തല ഓൺലൈൻ പ്രശ്നോത്തരിയിൽ എ പ്ലസ് ഗ്രേഡ് നേടിയ അയിഷ ഹനീന, മുഹമ്മദ് അജ്വദ്,നഷ്വ പി.വി, എ ഗ്രേഡ് നേടിയ ഫൈഹ ഫാത്തിമ, ലാമിയ നൂറ, മൻഹ ഫാത്തിമ, മുഹമ്മദ് ഹനാൻ എന്നിവർക്കും ചടങ്ങിൽ സമ്മാനദാനം നടത്തി.

പരിപാടികൾക്ക് ദിൻഷ ദിനേശ്,ഫൈസ് ഹമദാനി .പി.പി. തസലീന ടി.ഷബീജ്, റൂബി എം എ , അനുശ്രീ പി.പി ആര്യ മുരളി കെ.പി. മുഹമ്മദലി മുതലായവർ നേതൃത്വം നൽകി

### Related Links & Sources
- [Original Story Source](https://balussery.truevisionnews.com/news/257282/international-arabic-day-celebration-organized-at-ium-lp-school-kannootipara)