കോഴിക്കോട് ; ജില്ലാ സ്പോര്ട്സ് കൗണ്‍സില്‍ ജില്ലാ ഫുട്‌ബോള്‍ അസോസിയേഷന്റെ സഹകരണത്തോടെ 'ലഹരിക്കെതിരെ ആയിരം ഗോള്‍' ബോധവത്കരണ പരിപാടിക്ക് തുടക്കമായി. ലഹരിക്കെതിരെ വിദ്യാര്‍ത്ഥികളിലും യുവാക്കളിലും ബോധവത്കരണം ലക്ഷ്യമിട്ടാണ് ആയിരം ഗോള്‍ പ്രചാരണം.
ലഹരിക്കെതിരായി പോരാടുവാന്‍ ''ലഹരിക്കെതിരെ ആയിരം ഗോള്‍'' എന്ന സന്ദേശവുമായാണ് പ്രചാരണം. ലഹരിക്കെതിരെ കായിക വകുപ്പ് സംഘടിപ്പിക്കുന്ന വിവിധ പരിപാടികളുടെ ആദ്യ പരിപാടിയാണ് ആയിരം ഗോള്‍. മാനാഞ്ചിറ സ്‌ക്വയറില്‍ സംഘടിപ്പിച്ച പരിപാടിയുടെ ഉദ്ഘാടനം അഹമ്മദ് ദേവര്‍കോവില്‍ നിര്‍വഹിച്ചു. ജില്ലയിലെ വിവിധയിടങ്ങളില്‍ പ്രചാരണം സംഘടിപ്പിക്കുമെന്ന് ജില്ലാ സ്പോര്ട്സ് കൗണ്‍സില്‍ പ്രസിഡന്റ് ഒ. രാജഗോപാല്‍ പറഞ്ഞു.
ജില്ലാ സ്പോര്ട്സ് കൗണ്‍സില്‍ നടത്തുന്ന സമ്മര്‍ക്യാമ്പിന്റെ ഉദ്ഘാടനവും മാനാഞ്ചിറ സ്‌ക്വയറില്‍ നടന്നു. 5 മുതല്‍ 17 വയസ്സ് വരെയുള്ള കുട്ടികള്‍ക്ക് ഏപ്രില്‍ മെയ് മാസങ്ങളിലാണ് സമ്മര്‍ ക്യാമ്പ് നടത്തുന്നത്. നിലവില്‍ 1200 ഓളം കുട്ടികള്‍ വിവിധ ക്യാമ്പുകളിലേക്കായി രജിസ്റ്റര്‍ ചെയ്തിട്ടുണ്ട്. ലഹരിക്കെതിരെ കളിക്കളങ്ങളെ സജീവമാക്കി സ്പോര്ട്സ് ആണ് ലഹരി എന്ന മുദ്രാവാക്യത്തോടെയാണ് ക്യാമ്പുകള്‍ സംഘടിപ്പിക്കുന്നത്. എല്ലാ ക്യാമ്പുകളിലും പരിശീലനം ആരംഭിക്കുന്നത് ലഹരിക്കെതിരെ പ്രതിജ്ഞ ചൊല്ലിക്കൊണ്ടാണ്. കളിക്കളങ്ങളെ സജീവമാക്കി ലഹരിയെ തുരുത്തുക എന്ന വലിയ ലക്ഷ്യമാണ് സ്പോര്ട്സ് കൗണ്‍സില്‍ ഇതിലൂടെ ലക്ഷ്യമിടുന്നത്.
പരിപാടിയില്‍ ആശംസകള്‍ നേര്‍ന്നുകൊണ്ട് ജില്ലാ സ്പോര്ട്സ് കൗണ്‍സില്‍ വൈസ് പ്രസിഡണ്ട് ഡോ. റോയ് ജോണ്‍, സംസ്ഥാനസ്‌പോര്‍ട്സ് കൗണ്‍സില്‍ അംഗം പി.ടി അഗസ്റ്റിന്‍, ജില്ലാ സ്പോര്ട്സ് കൗണ്‍സില്‍ അംഗങ്ങളായ കെഎം ജോസഫ്, ഇ കോയ, കാലിക്കറ്റ് പ്രസ് ക്ലബ്ബ് സെക്രട്ടറി പി കെ സജിത്ത് കുമാര്‍, ഫുട്‌ബോള്‍ അസ്സോസിയേഷന് സെക്രട്ടറി സജേഷ് കുമാര്‍, മുതിര്‍ന്ന മാധ്യമ പ്രവര്‍ത്തകന്‍ കമാല്‍ വരദൂര്‍, കെ.ജെ മത്തായി തുടങ്ങിയവര്‍ സംസരിച്ചു. കേരള സ്റ്റേറ്റ് സ്പോര്ട്സ് കൗണ്‍സില്‍ ഹോക്കി കോച്ച് മുഹമ്മദ് യാസിര്‍ ലഹരി വിരുദ്ധ പ്രതിജ്ഞ ചൊല്ലി. ജില്ലാ സ്പോര്ട്സ് കൗണ്‍സില്‍ സെക്രട്ടറി പ്രപു പ്രേമനാഥ് സ്വാഗതവും ജില്ലാ സ്പോര്ട്സ് ഓഫീസര്‍ വിനീഷ് കുമാര്‍ കെ പി നന്ദിയും രേഖപ്പെടുത്തി
The 'A Thousand Goals Against Drunkenness' awareness program has been launched in collaboration with the Kozhikode District Sports Council and the District Football Association.
.png)
