വിദ്യാലയ ശുചീകരണം ജനകീയ ഇടപെടലിൻ്റെ നേർസാക്ഷ്യമായി

അവിടനല്ലൂർ : എൻഎൻ കക്കാട് സ്മാരക ഗവ. ഹയർ സെക്കണ്ടറി സ്കൂൾ അവിടനല്ലൂരിലെ വിദ്യാലയ ശുചീകരണം ജനകീയ ഇടപെടലിൻ്റെ നേർസാക്ഷ്യമായി.

Also read: ഹരിത ബൂത്തില്‍ വോട്ടര്‍മാര്‍ക്ക് പച്ചക്കറി വിത്ത് നല്‍കി പ്രകൃതിസ്‌നേഹം പ്രകടിപ്പിച്ച് ഉദ്യോഗസ്ഥന്മാര്‍

സന്നദ്ധ സംഘടനാ പ്രവർത്തകർ ആവേശത്തോടെ പരിപാടി ഏറ്റെടുത്തു വിജയിപ്പിച്ചു. വിദ്യാലയത്തിലെ മുഴുവൻ റൂമുകളും ഫർണീച്ചറും സ്കൂൾ പരിസരവും പാതയോരങ്ങളും ശുചീകരിച്ചു.

ജനപ്രതിനിധികൾ, രാഷ്ട്രീയ പാർട്ടി പ്രതിനിധികൾ, യുവജന വിദ്യാർത്ഥി സംഘടനാ പ്രവർത്തകർ, സ്കൗട്ട് ആന്റ് ഗൈഡ്സ് കേഡറ്റുകൾ, ഹരിതസേന, ചുമട്ടുതൊഴിലാളികൾ, വ്യാപാരി പ്രതിനിധികൾ, തൊഴിലുറപ്പ് തൊഴിലാളികൾ, ആർആർടി വോളൻ്റിയേഴ്സ്, ആശാ വർക്കർമാർ, വിദ്യാലയ വികസന സമിതി അംഗങ്ങൾ, രക്ഷാകർതൃ പ്രതിനിധികൾ, അധ്യാപകർ എന്നിവർ ശുചീകരണത്തിൽ പങ്കാളികളായി.

Also read: #Election | ലോക്‌സഭാ തെരഞ്ഞെടുപ്പ്; കേരളത്തിൽ മികച്ച പോളിങ്‌, കോഴിക്കോട് 23 % വടകര 22 %

ബ്ലോക്ക് പഞ്ചായത്ത് പ്രസിഡണ്ട് വി.കെ. അനിത പരിപാടി ഉദ്ഘാടനം ചെയ്തു. ഗ്രാമ പഞ്ചായത്ത് പ്രസിഡണ്ട് സി.എച്ച്. സുരേഷിൻ്റെ അധ്യക്ഷനായി. വൈസ് പ്രസിഡണ്ട് വിലാസിനി, ജനപ്രതിനിധികളായ ഷൈൻ, സിജിത്ത്, രഘൂത്തമൻ, ദാമോദരൻ, ഗ്രാമ പഞ്ചായത്ത് സെക്രട്ടറി രാജീവൻ എന്നിവർ പങ്കെടുത്തു.

ഷാജി തച്ചയിൽ, ഉഷ, സ്കൗട്ട് ജില്ലാ ഓർഗനൈസിങ്ങ് കമ്മീഷണർ രാജൻ, ഷൈനി എന്നിവർ സംസാരിച്ചു. റോവർ ജില്ലാ കമ്മീഷണർ നികേഷ് സംബന്ധിച്ചു.വിദ്യാഭ്യാസ സ്റ്റാൻ്റിംഗ് കമ്മിറ്റി ചെയർമാൻ ഫിബിൻ ലാൽ പരിപാടിയ്ക്ക് നേതൃത്വം നൽകി.

Community cleaning in Government higher secondary school avidanallur