നന്മണ്ട: നവംബര്‍ ഒന്നിന് സ്‌കൂള്‍ തുറക്കുന്നതിന് മുന്നോടിയായി സര്‍ക്കാര്‍ മാര്‍ഗ്ഗ നിര്‍ദ്ദേശം അനുസരിച്ച് നന്മണ്ട സരസ്വതി വിദ്യാമന്ദിറില്‍ ആരോഗ്യ മോണിറ്ററിംഗ് കമ്മറ്റി രൂപീകരിച്ചു.
പ്രിന്‍സിപ്പാള്‍ എം.എ. ശശി, ചെയര്‍മാന്‍, ഗ്രാമപഞ്ചായത്ത് അംഗം അഭിന്‍ രാജ്, ക്ഷേമ സമിതി അധ്യക്ഷന്‍ ദിനകരന്‍, വിദ്യാലയ സെക്രട്ടറി ഡോ. എസ്. വിക്രമന്‍, അധ്യാപകരായ ബിജു, കല്പന, നന്ദിനി ഉണ്ണി, വിനിത എന്നിവര്‍ അംഗങ്ങളായി.
യോഗത്തില്‍ വിദ്യാലയം തുറക്കുന്നതിനു മുന്നോടിയായുള്ള പ്രവര്‍ത്തനങ്ങള്‍ കമ്മറ്റി അവലോകനം ചെയ്തു. 24ാം തീയതിയോടെ വിദ്യാലയശുചീകരണ പ്രവര്‍ത്തനങ്ങളും അണുനശീകരണവും നടത്തി പൂര്‍ണമായും പ്രവര്‍ത്തനസജ്ജമാക്കാനും തീരുമാനിച്ചു.
സമിതി നിര്‍ദ്ദേശമനുസരിച്ച് ക്ലാസ് പിടിഎ യോഗത്തില്‍ ആരോഗ്യ വകുപ്പ് റിട്ടയേഡ് ഡപ്യൂട്ടി ഡയരക്ടര്‍ ഡോ. കെ. രാജേന്ദ്രന്‍ രക്ഷിതാക്കളും കുട്ടികളും പാലിക്കേണ്ട കോവിഡ് പ്രോട്ടോകോളിനെപ്പറ്റി ബോധവല്ക്കരണം നടത്തുകയും രക്ഷിതാക്കളുടെ സംശയങ്ങള്‍ നിവാരണം ചെയ്യുകയും ചെയ്തു.
Prior to the opening of the school, a health monitoring committee was formed
.jpg)
