---
title: " സംസ്ഥാന സ്കൂള്‍ വോളീബോള്‍ ചാമ്പ്യന്‍ഷിപ്പില്‍ സീനിയര്‍ വിഭാഗം ആണ്‍കുട്ടികളുടെ മത്സരത്തില്‍ കോഴിക്കോട് ജില്ലക്ക് രണ്ടാം സ്ഥാനം"
english_title: "Kozhikode district secured second position in the senior category boys competition in the state school volleyball championship "
publisher: "balusserynews.in"
canonical_url: "https://balussery.truevisionnews.com/news/76324/kozhikode-district-secured-second-position-in-the-senior-category-boys-competition-in-the-state-school-volleyball-championship"
published_at: "2022-10-24T17:08:00+05:30"
category: "News"
language: "ml"
image: "https://cf.zdn.im/img/truevisionnews.com/0/image-uploads/63567a31b4ac3_.jpg"
keywords: []
---

#  സംസ്ഥാന സ്കൂള്‍ വോളീബോള്‍ ചാമ്പ്യന്‍ഷിപ്പില്‍ സീനിയര്‍ വിഭാഗം ആണ്‍കുട്ടികളുടെ മത്സരത്തില്‍ കോഴിക്കോട് ജില്ലക്ക് രണ്ടാം സ്ഥാനം

> **Lead Summary:** വാകയാട്:വാകയാട് ഹയര്‍സെക്കണ്ടറി സ്കൂളിലെ വോളീബോള്‍ താരങ്ങളുടെ മികവില്‍ സംസ്ഥാന സ്കൂള്‍ വോളീബോള്‍ ചാമ്പ്യന്‍ഷിപ്പില്‍ സീനിയര്‍ വിഭാഗം ആണ്‍കുട്ടികളുടെ മത്സരത്തില്‍ കോഴിക്കോട് ജില്ലക്ക് രണ്ടാം സ്ഥാനം.14 ജില്ലകള്‍ തമ്മിലുള്ള മത്സരത്തിനൊടുവില്‍ കരുത്തരായ തൃശ്ശൃര്‍ ജില്ലയോട് ആവേശകരമായ ഫൈനല്‍ മത്സരത്തില്‍ കോഴിക്കോട് ജില്ല പൊരുതി തോല്‍ക്കുകയായിരുന്നു. കോഴിക്കോട് ജില്ലക്ക് വേണ്ടി കളിക്കളത്തില്‍ ഇറങ്ങിയ ആദ്യ ആറു കളിക്കാരില്‍ നാലുപേരും വാകയാട് ഹയര്‍സെക്കണ്ടറി സ്കൂള്‍ വിദ്യാര്‍ത്ഥികളായ ജാര്‍ഖണ്ഡ് സ്വദേശികളായിരുന്നു. വോളീബോള്‍ രംഗത്ത് കേരളത്തിലുള്ള അത്രയും അടിസ്ഥാന സൗകര്യങ്ങള്‍ ജാര്‍ഖണ്ഡ് പോലുള്ള സംസ്ഥാനങ്ങളിൽ ഇല്ല.അവിടെ നിന്നും കഴിവുള്ള കുട്ടികളെ കണ്ടെത്തി കേരളത്തിലേക്കു കൊണ്ട് വന്നത് കേരള സ്റ്റേറ്റ് സ്പോര്‍ട്സ് കൗൺസില്‍ പരിശീലകനും ഇപ്പോൾ കോഴിക്കോട് ജില്ലയിലെ നടുവണ്ണൂർ വോളിബോള്‍ അക്കാഡമിയിൽ ജോലി ചെയുന്നതുമായ കൊടുങ്ങല്ലൂർ സ്വദേശി സി.ആർ.രാഗേഷ്  ആണ്. ജൂനിയര്‍, സീനിയര്‍ വിഭാഗങ്ങളിലായി പ്രസ്തുത വിദ്യാര്‍ത്ഥികളില്‍ സുബോധ് ചൗധരി, പ്രിയാന്‍ഷു രാജ്, അഭിജീത് ഉപാദ്യായ, പ്രണവ കുമാര്‍ സിംഗ് എന്നിവര്‍ ദേശീയ സ്കൂള്‍ ഗെയിംസില്‍ മത്സരിക്കുന്ന കേരള സംസ്ഥാന ടീമില്‍ ഇടം നേടി. വാകയാട് ഹയര്‍സെക്കണ്ടറി സ്കൂള്‍ മാനേജ്മെന്റ് കമ്മിറ്റി, സ്കൂള്‍ സ്റ്റാഫ്, നടുവണ്ണൂർ വോളിബോള്‍ അക്കാദമി എന്നിവരുടെ ഭാഗത്തുനിന്നും അകമഴിഞ്ഞ പിന്തുണ ആണ് കുട്ടികൾക്ക് ലഭിച്ചു കൊണ്ടിരിക്കുന്നത്.കൂടാതെ ഫിസിക്കൽ എഡ്യൂക്കേഷൻ ടീച്ചര്‍ യു.എസ്.രതീഷ്, പരിശീലകനായ ഒ. ബാലൻ നായര്‍ എന്നിവര്‍ മികച്ച ഒരു വോളീബോള്‍ ടീം വാര്‍ത്തെടുക്കുക എന്ന ലക്ഷ്യത്തോടെ കോച്ച് രാഗേഷിനൊപ്പം തോളോട് തോള്‍ ചേര്‍ന്ന് പ്രവര്‍ത്തിച്ച് വരുന്നു.സ്വഭാവഗുണത്തിലും പഠനത്തിലും ഇവർ മികച്ച നിലവാരം പുലര്‍ത്തിവരുന്നതായി പ്രിന്‍സിപ്പല്‍ Dr.ആബിദ പുതുശ്ശേരി, ഹെഡ്മിസ്ട്രസ് ടി.ബീന.എന്നിവര്‍ സാക്ഷ്യപ്പെടുത്തുന്നു.

## Article Content

വാകയാട്:വാകയാട് ഹയര്‍സെക്കണ്ടറി സ്കൂളിലെ വോളീബോള്‍ താരങ്ങളുടെ മികവില്‍ സംസ്ഥാന സ്കൂള്‍ വോളീബോള്‍ ചാമ്പ്യന്‍ഷിപ്പില്‍ സീനിയര്‍ വിഭാഗം ആണ്‍കുട്ടികളുടെ മത്സരത്തില്‍ കോഴിക്കോട് ജില്ലക്ക് രണ്ടാം സ്ഥാനം.14 ജില്ലകള്‍ തമ്മിലുള്ള മത്സരത്തിനൊടുവില്‍ കരുത്തരായ തൃശ്ശൃര്‍ ജില്ലയോട് ആവേശകരമായ ഫൈനല്‍ മത്സരത്തില്‍ കോഴിക്കോട് ജില്ല പൊരുതി തോല്‍ക്കുകയായിരുന്നു. കോഴിക്കോട് ജില്ലക്ക് വേണ്ടി കളിക്കളത്തില്‍ ഇറങ്ങിയ ആദ്യ ആറു കളിക്കാരില്‍ നാലുപേരും വാകയാട് ഹയര്‍സെക്കണ്ടറി സ്കൂള്‍ വിദ്യാര്‍ത്ഥികളായ ജാര്‍ഖണ്ഡ് സ്വദേശികളായിരുന്നു. വോളീബോള്‍ രംഗത്ത് കേരളത്തിലുള്ള അത്രയും അടിസ്ഥാന സൗകര്യങ്ങള്‍ ജാര്‍ഖണ്ഡ് പോലുള്ള സംസ്ഥാനങ്ങളിൽ ഇല്ല.അവിടെ നിന്നും കഴിവുള്ള കുട്ടികളെ കണ്ടെത്തി കേരളത്തിലേക്കു കൊണ്ട് വന്നത് കേരള സ്റ്റേറ്റ് സ്പോര്‍ട്സ് കൗൺസില്‍ പരിശീലകനും ഇപ്പോൾ കോഴിക്കോട് ജില്ലയിലെ നടുവണ്ണൂർ വോളിബോള്‍ അക്കാഡമിയിൽ ജോലി ചെയുന്നതുമായ കൊടുങ്ങല്ലൂർ സ്വദേശി സി.ആർ.രാഗേഷ്  ആണ്. ജൂനിയര്‍, സീനിയര്‍ വിഭാഗങ്ങളിലായി പ്രസ്തുത വിദ്യാര്‍ത്ഥികളില്‍ സുബോധ് ചൗധരി, പ്രിയാന്‍ഷു രാജ്, അഭിജീത് ഉപാദ്യായ, പ്രണവ കുമാര്‍ സിംഗ് എന്നിവര്‍ ദേശീയ സ്കൂള്‍ ഗെയിംസില്‍ മത്സരിക്കുന്ന കേരള സംസ്ഥാന ടീമില്‍ ഇടം നേടി. വാകയാട് ഹയര്‍സെക്കണ്ടറി സ്കൂള്‍ മാനേജ്മെന്റ് കമ്മിറ്റി, സ്കൂള്‍ സ്റ്റാഫ്, നടുവണ്ണൂർ വോളിബോള്‍ അക്കാദമി എന്നിവരുടെ ഭാഗത്തുനിന്നും അകമഴിഞ്ഞ പിന്തുണ ആണ് കുട്ടികൾക്ക് ലഭിച്ചു കൊണ്ടിരിക്കുന്നത്.കൂടാതെ ഫിസിക്കൽ എഡ്യൂക്കേഷൻ ടീച്ചര്‍ യു.എസ്.രതീഷ്, പരിശീലകനായ ഒ. ബാലൻ നായര്‍ എന്നിവര്‍ മികച്ച ഒരു വോളീബോള്‍ ടീം വാര്‍ത്തെടുക്കുക എന്ന ലക്ഷ്യത്തോടെ കോച്ച് രാഗേഷിനൊപ്പം തോളോട് തോള്‍ ചേര്‍ന്ന് പ്രവര്‍ത്തിച്ച് വരുന്നു.സ്വഭാവഗുണത്തിലും പഠനത്തിലും ഇവർ മികച്ച നിലവാരം പുലര്‍ത്തിവരുന്നതായി പ്രിന്‍സിപ്പല്‍ Dr.ആബിദ പുതുശ്ശേരി, ഹെഡ്മിസ്ട്രസ് ടി.ബീന.എന്നിവര്‍ സാക്ഷ്യപ്പെടുത്തുന്നു.

### Related Links & Sources
- [Original Story Source](https://balussery.truevisionnews.com/news/76324/kozhikode-district-secured-second-position-in-the-senior-category-boys-competition-in-the-state-school-volleyball-championship)