വോയിസ്‌ ഓഫ് മുണ്ടോത്ത് ഒന്നാം വാർഷികത്തോട് അനുബന്ധിച്ച് കിടപ്പ് രോഗികൾക്ക് ആവശ്യമായ സപ്പോർട്ടിങ് കെയർ ഉപകരണങ്ങൾ വാങ്ങിക്കുന്നതിനു വേണ്ടിയുള്ള ഫണ്ട്‌ സമാഹാരണത്തിന് വേണ്ടി ഒരുക്കിയ സമ്മാനക്കൂപ്പൺ പദ്ധതിയുടെ നറുക്കെടുപ്പ് മുണ്ടോത്ത് അങ്ങാടിയിൽ

ഉള്ള്യേരി:വോയിസ്‌ ഓഫ് മുണ്ടോത്ത് ഒന്നാം വാർഷികത്തോട് അനുബന്ധിച്ച് കിടപ്പ് രോഗികൾക്ക് ആവശ്യമായ സപ്പോർട്ടിങ് കെയർ ഉപകരണങ്ങൾ വാങ്ങിക്കുന്നതിനു വേണ്ടിയുള്ള ഫണ്ട്‌ സമാഹാരണത്തിന് വേണ്ടി ഒരുക്കിയ സമ്മാനക്കൂപ്പൺ പദ്ധതിയുടെ നറുക്കെടുപ്പ് മുണ്ടോത്ത് അങ്ങാടിയിൽ വച്ച് ബഹുമാനപ്പെട്ട ഉള്ള്യേരി ഗ്രാമ പഞ്ചായത്ത്‌ വൈസ് പ്രസിഡന്റ്‌ എൻ.എം. ബലരാമന്റെ നേതൃത്വത്തിൽ നടന്നു.

ഗ്രാമ പഞ്ചായത്തംഗം കെ.എം.സുധീഷ്, വിജയൻ മുണ്ടോത്ത്, ബാബു കുന്നത്, ഇ.എം.ഗോപാലൻ എന്നിവർ ചടങ്ങിൽ പങ്കാളികളായി.

സമ്മാന കൂപ്പൺ വിജയികൾക്കുള്ള സമ്മാനങ്ങൾ വോയിസ്‌ ഓഫ് മുണ്ടോത്ത് ഓഫീസിൽ വച്ച് കക്കഞ്ചേരി ജിഎൽപി സ്കൂൾ പ്രധാന അധ്യാപകനായ ടി.എം.മോഹൻദാസ് നിർവഹിച്ചു.

ഒന്നാം സമ്മാനം ഗോൾഡ് കോയിൻ അനുപമ ബാലുശ്ശേരിക്കും, രണ്ടാം സമ്മാനം അയൺ ബോക്സ്‌ നാരായൺ ചാത്തൻ കുളത്തിലിനും, മൂന്നും നാലും സമ്മാനം യഥാക്രമം ഷൈനി പറ്റാൻകോട്ട്, വി.എം.ഷൈജു  എന്നിവർക്കും ലഭിച്ചു.

സമ്മാന ദാന ചടങ്ങിൽ വോയിസ്‌ ഓഫ് മുണ്ടോത്ത് സെക്രട്ടറി എ.എം.ബിനോയ്‌  അധ്യക്ഷത വഹിച്ചു.

അനൂപ് മുതുവാട്ട് മീത്തൽ സ്വാഗതവും നിധീഷ് നമ്പ്യാട്ടിയിൽ നന്ദിയും പറഞ്ഞു.

In conjunction with Voice of Mundoth's first anniversary, the Mundoth Market will hold a raffle for a gift coupon scheme to raise funds for the purchase of supportive care equipment for inpatients