ബാലുശ്ശേരി : നടുവണ്ണൂര്‍ തോട്ടുമൂലയില്‍ സ്ഥിരം അപകടമേഖലയായി മാറുന്നു. ഇവിടെ അപകടങ്ങള്‍ പതിവാണെന്നാണ് നാട്ടുകാര്‍ പറയുന്നത്. കഴിഞ്ഞ ദിവസം തോട്ടുമൂലയില്‍ ലോറിയും ബൈക്കും കൂട്ടിയിടിച്ച് ബൈക്ക് യാത്രക്കാരന് ദാരുണമായി മരണപ്പെട്ടിരുന്നു.
ഉള്ളിയേരിയിലെ സ്വകാര്യ മെഡിക്കല്‍ കോളേജില്‍ പിതാവിനെയും കൊണ്ട് ചികിത്സക്ക് എത്തിയ വടകര മണിയൂര്‍ സ്വദേശിയായ മീനത്തുകരയിലെ മാധവന്റെ മകന്‍ അഭിരാം ആണ് അപകടത്തില്‍ പൊലിഞ്ഞത്.
പിതാവ് മാധവനെ ആശുപത്രിയില്‍ കാണിച്ചു തിരിച്ചു വടകരയിലേക്ക് പോവുമ്പോള്‍, പിതാവിനെ നരക്കോട് നിര്‍ത്തി മരുന്ന് എടുക്കാന്‍ മറന്നത് എടുക്കാന്‍ വേണ്ടി വീണ്ടും ഉള്ളിയേരി ഭാഗത്തേക്ക് വന്നപ്പോഴാണ് അപകടം സംഭവിച്ചത്.
അപകടത്തില്‍പെട്ട യുവാവിനെ നടുവണ്ണൂരിലെ സ്വകാര്യ ആശുപത്രിയില്‍ ഉടന്‍ തന്നെ എത്തിച്ചെങ്കിലും മരണം സംഭവിച്ചിരിന്നു. പോസ്റ്റ്‌മോര്‍ട്ടത്തിന് ശേഷം ഇന്ന് മൃതദേഹം ബന്ധുക്കള്‍ക്ക് വിട്ടുകൊടുക്കും.
naduvannur thottumoola accident - abhi ram obit story
.jpeg)
