Categories
പ്രാദേശികം

കുന്ദമംഗലത്ത് ജലഗുണനിലവാര ലാബ് എംഎൽഎ പി.ടി.എ. റഹീംഉദ്ഘാടനം ചെയ്തു

കുന്ദമംഗലം: കുന്ദമംഗലം ഹയർ സെക്കണ്ടറി സ്കൂളിൽ സ്ഥാപിച്ച ജലഗുണനിലവാര ലാബ് പി.ടി.എ. റഹീം എംഎൽഎ ഉദ്ഘാടനം ചെയ്തു.


എംഎൽഎയുടെ പ്രാദേശിക വികസന ഫണ്ടിൽ‍ നിന്ന് അനുവദിച്ച 1.7 ലക്ഷം രൂപ ചിലവഴിച്ചാണ് ലാബ് സംവിധാനം ഒരുക്കിയിട്ടുള്ളത്.

കുറഞ്ഞ നിരക്കിൽ പ്രാഥമിക ജലഗുണനിലവാര പരിശോധനാ സൗകര്യം പ്രാദേശികമായി തന്നെ ജനങ്ങൾക്ക് ലഭ്യമാക്കുക എന്ന ലക്ഷ്യത്തോടെഹരിത കേരള മിഷനുമായി സഹകരിച്ചാണ് പദ്ധതി നടപ്പിലാക്കുന്നത്.
ജലശുദ്ധിയുമായി ബന്ധപ്പെട്ട് ഈ ലാബുകളിൽ‍ പ്രധാനമായി പരിശോധിക്കുന്നത് ജലത്തിന്റെ നിറം, ഗന്ധം, പിഎച്ച് മൂല്യം, വൈദ്യുത ചാലകത, ലവണ സാന്നിധ്യം, ലയിച്ചു ചേർന്ന ഖരപദാർത്ഥങ്ങളുടേയും നൈട്രജന്റേയും അമോണിയയുടേയും അളവ്, കോളിഫോം ബാക്ടീരിയയുടെ സാന്നിധ്യം എന്നിവയാണ്.

ജലഗുണനിലവാര പരിശോധന നടത്തുന്നത് സംബന്ധിച്ച് കെമിസ്ട്രി അദ്ധ്യാപകർക്കും ലാബ് അസിസ്റ്റന്റ്മാർക്കും ഹരിത കേരളമിഷന്റെ നേതൃത്വത്തിൽ പ്രത്യേക പരിശീലനം നൽകിയിട്ടുണ്ട്.

കുന്ദമംഗലം നിയോജകമണ്ഡലത്തിൽ കുന്ദമംഗലം ഹയർസെക്കണ്ടറി സ്കൂളിന് പുറമെ ഒളവണ്ണ ഗ്രാമപഞ്ചായത്തിലെ ഇരിങ്ങല്ലൂർ ഗവൺമെന്റ് ഹയർ സെക്കണ്ടറി സ്കൂളിലും ജലഗുണനിലവാര പരിശോധനാ ലാബ് നിർമ്മാണം പൂർത്തീകരിച്ചിട്ടുണ്ട്.

കുന്ദമംഗലം ഗ്രാമപഞ്ചായത്ത് പ്രസിഡന്റ് ലിജി പുൽക്കുന്നുമ്മൽ ചടങ്ങിൽ അധ്യക്ഷത വഹിച്ചു. ബ്ലോക്ക് പഞ്ചായത്ത് പ്രസിഡന്റ് ബാബു നെല്ലൂളി മുഖ്യാതിഥിയായി. ജില്ലാ പഞ്ചായത്ത് മെമ്പർ എം. ധനീഷ്ലാൽ, ഗ്രാമപഞ്ചായത്ത് ആരോഗ്യ സ്റ്റാന്റിംഗ് കമ്മറ്റി ചെയർമാൻ ചന്ദ്രൻ തിരുവലത്ത്, മെമ്പർ പി കൗലത്ത്, പ്രിൻസിപ്പ ഒ. കല, ഹെഡ്മാസ്റ്റർ വി. പ്രേമരാജൻ, പിടിഎ പ്രസിഡന്റ് ടി. ജയപ്രകാശൻ, പി.ആർ. ലേഖ എന്നിവർ ചടങ്ങിൽ സംസാരിച്ചു.

ഹരിതകേരളം മിഷൻ ജില്ലാ കോർഡിനേറ്റർ പി. പ്രകാശ് സ്വാഗതവും ടി. രാജ് നാരായണൻ നന്ദിയും പറഞ്ഞു.

Spread the love
ബാലുശ്ശേരി ന്യൂസ്‌ ഫേസ്ബുക്ക്, ടെലഗ്രാം, പേജുകളിലൂടെയും ഫോളോ ചെയ്യാം. വീഡിയോ സ്‌റ്റോറികള്‍ക്കായി ഞങ്ങളുടെ യൂട്യൂബ് ചാനല്‍ സബ്‌സ്‌ക്രൈബ് ചെയ്യുക

News from our Regional Network

tvnews
tvnews
tvnews
tvnews
tvnews
tvnews
tvnews
tvnews
tvnews
tvnews
Balussery News Live

RELATED NEWS

NEWS ROUND UP