ഉള്ള്യേരി : ഉള്ള്യേരി യുപി സ്‌കൂളിലെ ഈ വര്‍ഷത്തെ വായനാവാരാചരണം 'വര്‍ണ്ണം 2022' ആഘോഷിച്ചു.
വായന വാരാചരണത്തിന്റെ മുന്നോടിയായി ജൂണ്‍ 18ന് സ്‌കൂളില്‍ വിളംബര ഘോഷയാത്ര നടത്തി.
വായനവാരത്തില്‍ എല്ലാ ദിവസവും സ്‌കൂള്‍തല കാവ്യ ആലാപനം, സാഹിത്യ ക്വിസ് മത്സരം, ഉത്തരപ്പെട്ടി എന്നിവ സംഘടിപ്പിച്ചു.
ഉത്തര പെട്ടിയില്‍ നിന്നും ഓരോ ദിവസത്തെയും വിജയികളെ നറുക്കെടുപ്പിലൂടെ തെരഞ്ഞെടുത്ത് സമ്മാനം വിതരണം ചെയ്തു.
ക്ലാസ് അധ്യാപകരുടെ നേതൃത്വത്തില്‍ ക്ലാസില്‍ ഓരോ ദിവസവും കുട്ടികള്‍ പുസ്തകങ്ങള്‍ പരിചയപ്പെടുത്തി.
വായനവാരത്തിലെ എല്ലാ ദിവസവും അധ്യാപകര്‍ പുസ്തകങ്ങള്‍ കുട്ടികള്‍ക്കായി പരിചയപ്പെടുത്തിയതും ശ്രദ്ധേയമായി.
കുട്ടികളെ വായനയുടെ ലോകത്തേക്ക് കൈപിടിച്ച് നടത്താന്‍ സ്‌കൂളില്‍ പുസ്തക പ്രദര്‍ശനവും പുസ്തക വില്പനയും പുരോഗമിക്കുകയാണ്.
5, 6, 7 ക്ലാസ് അടിസ്ഥാനത്തില്‍ സ്‌കൂളില്‍ നടത്തിയ റോള്‍പ്ലേ മത്സരവും ഏറെ നിലവാരം പുലര്‍ത്തി.
Ullyeri UP School with various activities during the reading week
